“ჩელსი” და პსჟ კონტეს მიმართ ინტერესს გამოხატავენ

თარიღი: ოქტომბერი 13, 2015

არაა გამორიცხული, 46 წლის სპეციალისტი საკლუბო სამუშაოს დაუბრუნდეს.

იტალიის ეროვნული ნაკრების მთავარი მწვრთნელი ანტონიო კონტე ორი ევროპული გრანდის ინტერესებში შედის, იტყობინება Football Italia.

როგორც ცნობილია, ლონდონის “ჩელსი” და “პარი სენ ჟერმენი” კონტესთან თანამშრომლობის მთავარ კანდიდატებად ითვლებიან. ინგლისის მოქმედმა ჩემპიონებმა, შესაძლოა, ჟოზე მოურინიო დაითხოვონ, ხოლო პარიზელები ლორან ბლანის მუშაობით მაინცდამაინც კმაყოფილნი არ არიან.

გარდა ამისა, კონტეს მიმართ ინტერესს იტალიური კლუბებიც იჩენენ, მაგალითად: “მილანი”, “რომა” და “ნაპოლი”.

აღსანიშნავია, რომ ტურინის “იუვენტუსის” ყოფილი თავკაცის მიმდინარე კონტრაქტი იტალიის ფეხბურთის ფედერაციასთან 2016 წლის ზაფხულში იწურება.

მსგავსი სიახლეები