ჩემპიონის შერცხვენა! “ასტონ ვილამ” “ლივერპული” გაანადგურა (ვიდეო)
პრემიერ ლიგის მეოთხე ტური “ასტონ ვილასა” და “ლივერპულს” შორის გამართულმა სუპერმატჩმა დახურა. “მანჩესტერ იუნაიტედის” მიერ განცდილი გამანადგურებელი მარცხის (1:6) შემდეგ ფეხბურთის ფანებმა კიდევ ერთი თრილერი იხილეს – “ასტონ ვილამ” “ლივერპული” 7:2 დაამარცხა.
ყველაფერი უოტკინსის მიერ 22 წუთში გაფორმებული დუბლით დაიწყო, რასაც 33-ე წუთზე მო სალაჰმა უპასუხა და პრემიერ ლიგაში ასი გოლიც დააგროვა. 35-ე წუთზე მაკგინმა აღადგინა ორბურთიანი უპირატესობა, რასაც უოტკინსის ჰეთ-ტრიკი მოყვა (39′).
“ენფილდელებს” იმედი ჰქონდათ, რომ იურგენ კლოპის მაგიით მოტივირებული ჩემპიონები მატჩის შემოტრიალებას შეძლებდნენ, თუმცა ამაოდ. 55-ე წუთზე “ასტონ ვილას” ახალწვეულმა ბარკლიმ გაიტანა, რასაც სალაჰმა ხუთ წუთში უპასუხა. მატჩის დარჩენილ დროში კი გრილიშმა საგოლე გადაცემების დუბლს გოლების დუბლიც დაუმატა – 7:2.
ასე რომ, “ასტონ ვილა” სეზონის სტარტზე ბრწყინვალე ასპარეზობას აგრძელებს და ამ ეტაპზე მეორე პოზიციას იკავებს, “ლივერპული” კი 4 მატჩში დაგროვილი 11 ქულით მეოთხეა.
