ჩემპიონთა ლიგა: ვინ იქნება პირველი მეოთხედფინალისტი?
ჩემპიონთა ლიგაში განმეორებით 1/8 ფინალური შეხვედრების დრო დგება. დღეს გასამართ შეხვედრებს მადრიდული “სანტიაგო ბერნაბეუ” და პორტუში მდებარე “დრაგაუ” უმასპინძლებენ.
რეალი – შალკე
პირველი მატჩი – 2:0 “რეალის” სასარგებლოდ
მიუხედავად ესპანეთის ჩემპიონატში არსებული პრობლემებისა, ამ წყვილში პირველი შეხვედრის შედეგიდან გამომდინარე, რომელიც მადრიდელებმა დამაჯერებლად მოიგეს, “შალკეს” დღეს ძალიან მცირე შანსები აქვს.
საინტერესო იქნება კარლო ანჩელოტის რეაქცია ბილბაოში განცდილ მარცხზე და თუ აისახება ყოველივე ეს მადრიდელთა სასტარტო შემადგენლობაზე. თუმცა, ამ ეტაპზე “რეალის” სათადარიგოთა სკამი როტაციის დიდ საშუალებას არც იძლევა. აქვე, აღსანიშნავია ისიც, რომ დიდხიანი უქმობის შემდეგ განაცხადას ლუკა მოდრიჩი დაუბრუნდა.
“შალკეს” კი კადრების მხრივ და ცუდ ფორმასთან დაკავშირებული საკუთარი პრობლემები აქვს. წარუამტებელი სერიის შეწყვეტა რობერტო დი მატეოს გუნდმა მხოლოდ გასულ უიქენდზე “ჰოფენჰაიმთან” შეხვედრაში შეწყვიტა. გელზენკირხენელებისთვის დადებითია ის მომენტიც, რომ უკანასკნელმა შეხვედრამ ტრავმების გარეშე ჩაიარა.
სავარაუდო შემადგენლობები:
რეალი: კასილიასი – არბელოა, პეპე, ვარანი, მარსელო – ილიარამენდი, კროოსი, ისკო – ბეილი, ბენზემა, რონალდუ.
შალკე: ველნროიტერი – უტიდა, ჰიოვედესი, მატიპი, ნასტასიჩი, ფუჰსი – ნოიშტედტერი – ბარნეტა, მაიერი – ჩუპო-მტინგი, ჰუნტელაარი.
პორტო – ბაზელი
პირველი მატჩი – 1:1
პირველმა შეხვედრამ წყვილში ძალათა თანაფარდობა არ შეცვლა. “პორტო” კვლავ რჩება ამ დაპირისპირების ფავორიტად.
მატჩებს შორის სამკვირიანმა პაუზამ სასტარტოში მცირე ცვლილებები შეიტანა. პორტუგალიელებმა წამყვანი შემტევი, ჯექსონ მარტინესი დაკარგეს, ხოლო შვეიცარიული შეხვედრის შემდეგ მოედანზე ტორესი არ გამოჩენილა. უკანასკნელი დანაკლისი ევანდროთი აღმოიფხვრა, ხოლო შეტევაში აქცენტი ტაქტიკური სქემის შეცვლაზე და ფლანგების გააქტიურებაზე გააკეთეს.
“ბაზელს” დღევანდელ შეხვედრაში დისკვალიფიცირებული სუხი ვერ დაეხმარება, რომელსაც შერი შეცვლის. გამორიცხული არც ის არის, რომ გასვლით შეხვედრაში შვეიცარიულმა კლუბმა მოედნის ცენტრის გაძლიერებაზე იზრუნოს.
სავარაუდო შემადგენლობები:
პორტო: ფაბიანო – დანილო, მაიკონი, მარკანო, ალექს სანდრო – ერერა, კაზემირო, ევანდრო – ტელიო, აბუბაკარი, ბრაიმი
ბაზელი: ვაცლიკი – ჯაკა, შერი, სამუელი, საფარი – ელნენი, ფრაი – გონსალესი, ძუფი, გაში – შტრელერი
