ჩემპიონთა ლიგის 1/4-ფინალური და ნახევარფინალური ეტაპების წილისყრა გაიმართა

დღეს, შვეიცარიის ქალაქ ნიონში, უეფას სათავო ოფისში ჩემპიონთა ლიგის მიმდინარე გათამაშების მეოთხედფინალური და ნახევარფინალური ეტაპების წილისყრა გაიმართა.

მეოთხედფინალი

“რეალი” / “მანჩესტერ სიტი” V “იუვენტუსი” / “ლიონი”
“ლაიფციგი” V “ატლეტიკო”
“ნაპოლი” / “ბარსელონა” V “ჩელსი” / “ბაიერნი”
“ატალანტა” V “პარი სენ-ჟერმენი”

ნახევარფინალი

I წყვილის გამარჯვებული V III წყვილის გამარჯვებული
II წყვილის გამარჯვებული V IV წყვილის გამარჯვებული

სად ჩატარდება მატჩები?

მერვედფინალურ ეტაპზე ოთხი განმეორებითი შეხვედრაა ჩასატარებელი. ოთხივე მატჩს ნომინალური მასპინძლები საკუთარ სტადიონებზე გამართავენ.

რაც შეეხება მეოთხედფინალს, ნახევარფინალსა და ფინალს, შეხვედრები აგვისტოში, პორტუგალიის დედაქალაქ ლისაბონში ჩატარდება. თითოეულ წყვილში გამარჯვებული ერთი მატჩით გამოვლინდება. შეხვედრებს “ბენფიკასა” და “სპორტინგის” სტადიონები უმასპინძლებენ.

თარიღები

7-8 აგვისტო: მერვედფინალის დარჩენილი მატჩები
12-15 აგვისტო: მეოთხედფინალური ეტაპი (ლისაბონი)
18-19 აგვისტო: ნახევარფინალური ეტაპი (ლისაბონი)
23 აგვისტო: ფინალი (ეშტადიუ და ლუში, ლისაბონი)