ჩემპიონთა ლიგის მომდევნო გათამაშების ჯგუფური ეტაპი ოქტომბრის ბოლოს დაიწყება
![](https://fanebi.com/wp-content/uploads/2020/04/2794949-57682990-2560-1440.jpg)
ახალი გეგმის მიხედვით, უეფას ჩემპიონთა ლიგის 2020-2021 წლების გათამაშების ჯგუფური ეტაპი 20-21 ოქტომბერს უნდა დაიწყოს, ხოლო ევროპის ლიგა 23 ოქტომბერს აიღებს სტარტს.
Sport.es-ის ინფორმაციით, ეროვნული ჩემპიონატები, რომლებიც კორონავირუსული პანდემიის გამო შეჩერებულია, მიმდინარე წლის 31 ივლისამდე უნდა დასრულდეს. ჩემპიონთა ლიგის მიმდინარე გათამაშების ფინალური მატჩი 29 აგვისტოსთვის ჩაინიშნა, ხოლო ევროპის ლიგის გადამწყვეტი შეხვედრა 26 აგვისტოს უნდა გაიმართოს.
შეგახსენებთ, რომ ჩემპიონთა ლიგის მიმდინარე გათამაშების ჯგუფური ეტაპი 17-18 სექტემბერს დაიწყო.