ჩირო იმობილე “ლაციოს” უახლოვდება

რომის “ლაციო” თავდასხმის ხაზის გაძლიერებას აპირებს. დედაქალაქურ კლუბს “სევილიადან” ჩირო იმობილეს გადმობირება აქვს განზრახული.

გავრცელებული ინფორმაციით, რომაელებს საწყის ეტაპზე სურთ, რომ 26 წლის იტალიელი ფეხბურთელი იჯარის წესით აიყვანონ. არენდა 2 მილიონ ევროდ ფასდება, 8 მილიონი ევროს დამატების შემთხვევაში კი, ფეხბურთელის გამოსყიდვის უფლებაც მიეცემათ.

“ლაციო” ჩირო იმობილეს ოთხწლიან კონტრაქტსა და წელიწადში ჯამაგირის სახით ორ მილიონ ევროს სთავაზობს.

ჩირო იმობილემ გასული სეზონის ნახევარი იჯარის წესით “ტორინოში” გაატარა. იტალიელმა თავდამსხმელმა სერია A-ს გასულ გათამაშებაში ჩატარებულ 14 მატჩში ხუთი გოლი გაიტანა და სამი საგოლე გადაცემა მიითვალა.