CIES Football Observatory: ყველაზე ძვირადღირებული ფეხბურთელები, რონალდუ 70-ე ადგილზეა
ფეხბურთის კვლევითმა ინსტიტუტმა CIES Football Observatory-მ მოცემულ მომენტში ევროპის წამყვან ხუთ ჩემპიონატში მოთამაშე ყველაზე ძვირადღირებულ ფეხბურთელთა სია გამოაქვეყნა. რეიტინგის შედგენისას მოთამაშეთა ასაკი და მოქმედი კონტრაქტის ხანგრძლივობა გაითვალისწინეს. სიას კვლავაც “პარი სენ-ჟერმენის” თავდამსხმელი კილიან მბაპე ლიდერობს, რომლის სატრანსფერო ღირებულებაც 259,2 მილიონ ევროდ ფასდება. მეორე ადგილზეა რაჰიმ სტერლინგი (“მანჩესტერ სიტი”), ხოლო ზედა სამეულს ჯეიდონ სანჩო (“დორტმუნდი”) ხურავს. აღსანიშნავია, რომ ლიონელ მესი და კრიშტიანუ რონალდუ ოცეულშიც კი ვერ მოხვდნენ. არგენტინელ ფეხბურთელს რეიტინგის 22-ე ადგილი უკავია, რონალდუ კი სულაც 70-ე პოზიციაზეა გამწესებული.
1. კილიან მბაპე (“პარი სენ-ჟერმენი”) – 259,2 მლნ ევრო
2. რაჰიმ სტერლინგი (“მანჩესტერ სიტი”) – 194,7 მლნ ევრო
3. ჯეიდონ სანჩო (“დორტმუნდი”) – 179,1 მლნ ევრო
4. ტრენტ ალექსანდერ-არნოლდი (“ლივერპული”) – 171,1 მლნ ევრო
5. მარკუს რაშფორდი (“მანჩესტერ იუნაიტედი”) – 152,3 მლნ ევრო
6. მოჰამედ სალაჰი (“ლივერპული”) – 144,9 მლნ ევრო
7. სადიო მანე (“ლივერპული”) – 139,2 მლნ ევრო
8. ანტუან გრიზმანი (“ბარსელონა”) – 134,6 მლნ ევრო
9. ალფონსო დეივისი (“ბაიერნი”) – 133,5 მლნ ევრო
…
22. ლიონელ მესი (“ბარსელონა”) – 100,1 მლნ ევრო
…
70. კრიშტიანუ რონალდუ (“იუვენტუსი”) – 62,8 მლნ ევრო.
