CIES-მა მოცემულ მომენტში ყველაზე ძვირადღირებული ფეხბურთელები გამოავლინა

ფეხბურთის კვლევითმა ინსტიტუმა CIES-მა მოცემულ მომენტში მსოფლიოს ყველაზე ძვირადღირებული ფეხბურთელების სია შეადგინა. მკვლევარები შეეცადნენ, რომ შედეგები მაქსიმალურად ობიექტური ყოფილიყო, ამიტომ მოთამაშეები მთელი რიგი კრიტერიუმებით შეაფასეს: დაწყებული ასაკითა და მოქმედი კონტრაქტის ხანგრძლივობით დამთავრებული საკლუბო და სანაკრებო დონეზე ნაჩვენები სტატისტიკით. მოცემულ მომენტში ყველაზე ძვირადღირებულ ფეხბურთელად “ბარსელონასა” და არგენტინის ნაკრების თავდამსხმელი ლიონელ მესი დასახელდა, რომელიც 251 მილიონ ევროდ შეფასდა.

CIES-ის კვლევის თანახმად, მსოფლიოს ყველაზე ძვირადღირებული ფეხბურთელები არიან:

1. მესი (“ბარსელონა”) – 250,7 მლნ ევრო
2. ნეიმარი (“ბარსელონა”) – 152,7
3. აზარი (“ჩელსი”) – 130,5
4. კრიშტიანუ რონალდუ (“რეალი”) – 114
5. კეინი (“ტოტენჰემი”) – 91,3
6. სტერლინგი (“მანჩესტერ სიტი”) – 89,8
7. გრიზმანი (“ატლეტიკო”) – 88,3
8. ლუის სუარესი (“ბარსელონა”) – 86,3
9. აგუერო (“მანჩესტერ სიტი”) – 82,1
10. ალექსის სანჩესი (“არსენალი”) – 81,9