დანი ალვეში: “რეალი” რონალდუს გარეშე უფრო სახიფათოა”

“ბარსელონას” ყოფილმა და “პარი სენ-ჟერმენის” მოქმედმა მცველმა დანი ალვეშმა კრიშტიანუ რონალდუს ტრანსფერზე გააკეთა კომენტარი. ბრაზილიელი თვლის, რომ რონალდუს წასვლამ “რეალი” უფრო გააძლიერა.

“ამ საკითხთან დაკავშირებით განხვავებული მოსაზრება გამაჩნია. ვფიქრობ, რომ კრიშტიანუ რონალდუს წასვლის შემდეგ, “რეალი” უფრო გუნდურად ათამაშდა, ასე კი ისინი უფრო სახიფათონი არიან.

ადრე, როდესაც რონალდუ “რეალში” თამაშობდა, მათ ყველა შეტევას ის ასრულებდა. ახლა კი, “რეალის” თავდასხმების შეჩერება უფრო რთულია. ეს ჩემი პოზიციაა, მე ასე ვხედავ ფეხბურთს, თუმცაღა ცოტა მესმის ამ სპორტის შესახებ.

რა თქმა უნდა, კრიშტიანუს წასვლა დიდი დანაკარგია, მაგრამ “რეალი” მაინც “რეალია”, – აცხადებს დანი ალვეში Marca-სთან საუბრისას.