დანი ალვესი: “არსენალს” პრემიერლიგის მოსაგებად სიმწიფე აკლია”
“ბარსელონას” ჩემპიონთა ლიგის მერვედფინალურ ეტაპზე მეტოქედ ლონდონის “არსენალი” ელის, კატალონიური გუნდის მცველი დანიელ ალვესი კი იმის შესახებ ალაპარაკდა, თუ რა აკლია “მეთოფეებს” პრემიერლიგის მოსაგებად.
“არსენალს” ხანდახან სიმწიფე და გამოცდილება აკლია. ლონდონელებს ჯერ კიდევ ახალგაზრდა გუნდი ჰყავთ. მათ პრემიერლიგა კარგად დაიწყეს, თუმცა ამ ტემპის შესანარჩუნებლად და ტიტულების მოსაგებად უფრო მეტია საჭირო.
“არსენალის” ფეხბურთელები ბურთთით კარგად მუშაობენ, ორგანიზებულად მოქმედებენ, ტაქტიკურად მომზადებულნი არიან, თუმცა ეს არ არის ახალგაზრდობისა და გამოცდილების ნაზავი. ახალგაზრდა ფეხბურთელები შეტევაში გარბიან, მაგრამ დგება მომენტი, როდესაც თამაშზე კონტროლი უნდა დააწესო”, – ციტირებს დანი ალვესის სიტყვებს squawka.
შეგახსენებთ, რომ მატჩი “არსენალსა” და “ბარსელონას” შორის 23 თებერვალს გაიმართება.
