დანი ბლინდმა “მანჩესტერ იუნაიტედი” და სულშერი საჯაროდ გააკრიტიკა
ნიდერლანდების საფეხბურთო ნაკრების ელჩმა, დანი ბლინდმა, საჯაროდ გააკრიტიკა “მანჩესტერ იუნაიტედი” და გუნდის მთავარი მწვრთნელი ოლე გუნარ სულშერი.
“ტაქტიკური გეგმა არ არსებობს. მის გუნდს არ შეუძლია მეტოქეზე ზეწოლის გაზრდა ისე, როგორც “მანჩესტერ სიტის”. მათ თამაშში პრესინგის ნიშნები არ შეიმჩნევა. არ შეიძლება ყველაფერი ინდივიდუალურ თამაშზე იყოს აწყობილი.
რა თქმა უნდა, გუნდში მაღალი დონის ფეხბურთელები ირიცხებიან და ხშირ შემთხვევებში ამის ხარჯზე შედეგიც იდება. თუმცა გუნდურად თამაში არ შეუძლიათ. “მანჩესტერ იუნაიტედს” დომინირება უჭირს, რაც მათი მთავარი პრობლემაა.
ვერ ვიტყვით, რომ “იუნაიტედში” მოსვლამდე სულშერს დიდებული სამწვრთნელო კარიერა ჰქონდა. ის ჩემპიონი გახდა ნორვეგიაში, მაგრამ ეს სულ სხვა დონეა. მიზეზი, რის გამოც მას ამდენ დროს აძლევენ, ნათელია – ის ამ კლუბის ლეგენდაა.
რა არის ამ კლუბის განმასხვავებელი ნიშანი? რა არის მათი გეგმა? კრიშტიანუს ახლა უკვე ვეღარ შეცვლით. მას აქვს გამომუშავებული მიდგომა და სტილი, რომელსაც გუნდი უნდა მოერგოს,” – აცხადებს დანი ბლინდი.
