დაფი “ფულემს” სეზონის ბოლომდე დააკლდება

ამის მიზეზი ნახევარმცველის მუხლზე არსებული პრობლემებია.

მოგეხსენებათ, დემენ დაფი თებერვალში დაშავდა. მოსალოდნელი იყო, რომ იგი ვარჯიშის განახლებას ძალიან მალე შეძლებდა, თუმცა ეს სხვაგვარად აღმოჩნდა.

“დაფის დაზიანება უფრო მძიმე აღმოჩნდა, ვიდრე ეს ადრე გვეგონა. უნდა გვესმოდეს, რომ სავარაუდოდ, იგი მოედანზე დაბრუნებას მიმდინარე სეზონის ბოლომდე ვერ შეძლებს”.

“ნახევარმცველს პრობლემა მუხლზე აღენიშნება. შესაძლოა, ოპერაცია გახდეს საჭირო”, – განაცხადა “ფულემის” მთავარმა მწვრთნელმა ფელიქს მაგათმა.

აქვე გეტყვით იმასაც, რომ 35 წლის ირლანდიელის მიმდინარე კონტრაქტი “ფულემის” ხელმძღვანელობასთან, უახლოეს ზაფხულში იწურება.

სანდრო საპანაძე