დარკო პერიჩმა “ბარსელონას” ფეხბურთელები სერიალის პერსონაჟებს შეუსაბამა

სერბმა მსახიობმა, დარკო პერიჩმა, რომელიც სერიალში “ქაღალდის სახლი” “ჰელსინკის” როლს ასრულებს, კატალონიის “ბარსელონას” ოფიციალურ არხს ინტერვიუ მისცა.

პერიჩმა თქვა, რომ ის ფეხბურთის დიდი ფანი არ არის და მას კალათბურთი უფრო უყვარს, თუმცა “ბარსელონას” ფეხბურთელებს პირადადაც იცნობს. ასევე, მან კატალონიური გუნდის მოთამაშეებს სერიალში როლები შეუსაბამა.

“ვიცნობ უსმან დემბელეს, ანტუან გრიზმანს და ივან რაკიტიჩს. მე და რაკიტიჩს ერთ ენაზე საუბარი შეგვიძლია, რადგან ის ხორვატია. ყოველთვის ვამბობ, რომ ისეთი ადამიანი, როგორიც არტურო ვიდალია, ჩვენი სერიალის ერთ-ერთი პერსონაჟი იქნებოდა”, – თქვა პერიჩმა.

“ქაღალდის სახლის” რომელ პერსონაჟებს შეესაბამებიან “ბარსელონას” ფეხბურთელები “ჰელსინკის” აზრით:

პროფესორი – ლიონელ მესი
ტოკიო – ანტუან გრიზმანი
ჰელსინკი – ჟერარ პიკე