დავით კერესელიძის პირველი ჩართვა – არაბიძე “ტორპედოში” უნდა დარჩეს!
ქუთაისის “ტორპედომ” რამდენიმე ძალიან საინტერესო ტრანსფერი (პაპუნაშვილი, ბუღრიძე, მანჯგალაძე) განახორციელა, მაგრამ გია ცეცაძეს საყვარელი შეგირდი ჯერ კიდევ არ დაუმატებია.
“სამტრედიის” ეროვნული ლიგიდან გავარდნის შემდეგ არაბიძე “ტორპედოში” ვარჯიშობდა და სულ ახლოს იყო გუნდთან კონტრაქტის გაფორმებასთან, მაგრამ “ნასიონალმა” მის იჯარაში ძალიან დიდი თანხა მოითხოვა. არადა, გიორგის “ნასიონალთან” კონტრაქტი ზაფხულში ეწურება.
საქმეში “ტორპედოს” მფლობელი კომპანიის ხელმძღვანელი, “ნიუ ვიჟენ უნივერსიტეტის” რექტორი, დავით კერესელიძე ერთვება, რომელიც პროფესიით იურისტია და საერთაშორისო პარტნიორებთან უნივერსიტეტის ფარგლებში მნიშვნელოვანი ხელშეკრულებები აქვს გაფორმებული.
სწორედ კერესელიძე აწარმოებს მოლაპარაკებებს პორტუგალიელებთან და იჯარის ალბათობა 50-50-ზეა.
გარდა ამისა, კერესელიძე მილანის “ინტერთან” თანაშრომლობს და თანაშრომლობის ფარგლებში აკადემიის მშენებლობაა გადაწყვეტილი.
