დებიუში სამ თვეს გამოტოვებს

ლონდონის “არსენალის” მარჯვენაფლანგელი მცველი მატიე დებიუში დაახლოებით სამ თვეს გამოტოვებს.

“მეთოფეთა” ფრანგმა ფეხბურთელმა “სტოკ სიტის” წინაარმდეგ გამართულ მატჩში მხარი დაიზიანა და ოპერაციის გადატანა მოუწევს.

დებიუშის ტრავმის შესახებ “არსენალის” მთავარმა მწვრთნელმა არსენ ვენგერმა ისაუბრა.

“მატიეს არ უმართლებს. ეს უბრალოდ წარმოუდგენელია – ამ სეზონში მას მეორედ მოუწევს ოპერაციის გაკეთება. ახალი დაბრუნებული იყო, მხოლოდ შვიდი მატჩი ჰქონდა ჩატარებული და ისევ დაიმტვრა. ვფიქრობ, ის სამი თვის განმავლობაში ვერ დაგვეხმარება, რადგან როდესაც მხარი ასეთ მდგომარეობაში გაქვს, მეტოქესთან ორთაბრძოლაში ვერ შეხვალ”, – ციტირებს ვენგერის სიტყვებს Offthepost-ი.