დეპაი “ბარსელონას” ნაცვლად, შესაძლოა, პრემიერ ლიგაში ვიხილოთ

მიმდინარე სეზონში “ლივერპული” არაერთ პრობლემასა და წინააღმდეგობას წააწყდა. დაცვაში გაჩენილ პრობლემებთან ერთად “ენფილდელებმა” გაიაზრეს, რომ არც შემტევი ფეხბურთელის დამატება აწყენდათ.

ასე და ამგვარად, ინგლისის მოქმედი ჩემპიონები, რომლებიც, შესაძლოა, ჩემპიონთა ლიგის ზონის მიღმაც დარჩნენ, მემფის დეპაის ტრანსფერზე იწყებენ მუშაობას.

ნიდერლანდელი ფეხბურთელის გადაბირება გასულ ზაფხულს “ბარსელონას” ერთ-ერთ მთავარ პრიორიტეტს წარმოადგენდა. თუმცა ტრანსფერი ჩაიშალა. დეპაიმ კი მიმდინარე სეზონში გამართულ 31 მატჩში თავის გამოჩენა 15 გოლითა და 9 საგოლე გადაცემით შეძლო.

შეგახსენებთ, რომ დეპაის უკვე აქვს პრემიერ ლიგაში თამაშის გამოცდილება. მემფისი “მანჩესტერ იუნაიტედში” 7-ნომრიანი მაისურით თამაშობდა, თუმცა მისი მანჩესტერული კარიერა ისე ვერ აეწყო, როგორც მოსალოდნელი იყო.