დეპაი გაქურდეს, ზარალმა მილიონ ევროს გადააჭარბა

“ლიონის” ნახევარმცველი მემფის დეპაი ქურდების მსხვერპლი გახდა. ფრანგული პრესის ცნობით, ბოროტმოქმედები ჰოლანდიელი ფეხბურთელის სახლში შეიპარნენ და არაერთი ძვირადღირებული ნივთი მოიპარეს. AFP-ის თანახმად, ზარალმა შესაძლოა, ერთნახევარ მილიონ ევროს მიაღწიოს, თუმც პოლიციას მისი შეფასება ჯერ არ დაუსრულებია.

თავად მემფის დეპაი ქურდობის დროს საფრანგეთის ჩემპიონატში “ნიცას” წინააღმდეგ გამართულ მატჩში (0:1) თამაშობდა.