დეულოფეუს “ბარსელონას” საჩემპიონო მაისური არ მოეწონა (ფოტო)
29 აპრილს, კატალონიის “ბარსელონამ” სტუმრად “დეპორტივო” დაამარცხა და ლა ლიგის მოგება ჩემპიონატის დასრულებამდე ოთხი ტურით ადრე გაინაღდა.
კატალონიელებმა გამარჯვების შემდეგ სპეციალური მაისურები ჩაიცვეს, რომლებზეც მიმდინარე სეზონში გუნდში მოთამაშე ფეხბურთელების გვარები ეწერა. თუმცა, იყვნენ ისეთებიც, რომლებმაც “ბარსელონა” იანვარში დატოვეს, მათი გვარი კი მაისურზე არ ეწერა. ერთ-ერთი ასეთი ფეხბურთელი ჟერარ დეულოფეუ გახლდათ, რომელმაც უკმაყოფილება გამოთქვა.
“ეს ჩემპიონობა ჩემიც არის, არა?” – წერს დეულოფეუ Twitter-ში.
დეულოფეუმ “ბარსელონა” იანვარში დატოვა, მან 2017-18 წლების სეზონში ლა ლიგაში 10 მატჩი ჩაატარა. უნდა აღინიშნოს ისიც, რომ მაისურზე რაფინიას გვარი იყო დატანილი, რომელიც გუნდიდან იანვარში წავიდა.
CAMPEONES LA LIGA 1/2 ? también es mía no..? ? @FCBarcelona_cat pic.twitter.com/Br5AG3H9ny
— Gerard Deulofeu (@gerardeulofeu) April 29, 2018
