დღეს ფეხბურთში ვიდეოგამეორების სისტემას პირველად გამოიყენებენ

დღევანდელი დღე სრულიად საფეხბურთო სამყაროსთვის გამორჩეულია. დღეს ჰოლანდიის თასის გათამაშების მატჩში უმაღლესი კატეგორიის ტურნირების არსებობის ისტორიაში პირველად გამოიყენებენ ვიდეოგამეორების სისტემას. “აიაქსი”-“ვილემ II” და “ფეინოორდი” – “ოსს”-ის შეხვედრებში მსაჯთა ჩვეულებრივ ბრიგადასთან ერთად იმუშავებს ვიდეო-არბიტრი, რომელიც პირდაპირ ეთერში მიადევნებს თვალყურს მატჩს და საჭიროების შემთხვევაში, მთავარ მსაჯს სწორი გადაწყვეტილების მიღებაში დაეხმარება.

პროფესიულ ფეხბურთში ვიდეოგამეორების სისტემის დანერგვაზე საუბრები ბოლო რამდენიმე წლის განმავლობაში აქტიურად მიმდინარეობს. ამით სურთ, რომ საკამათო ეპიზოდებსა და მატჩის შედეგზე მსაჯის გავლენა მინიმუმამდე იქნას დაყვანილი.

“აიაქსი”-“ვილემ II” დღეს გაიმართება და თბილისის დროით 22:45 საათზე დაიწყება. “ფეინოორდი” – “ოსს”-ი ხვალ ჩატარდება.