დღის 5 სატრანსფერო ჭორი
Fanebi.com წარმოგიდგენთ დღის გამორჩეულ სატრანსფერო ამბებს.
ფალკაო ტევესს შეცვლის?
“იუვენტუსის” ხელმძღვანელობა რადამელ ფალკაოს შეძენაზე ფიქრობს. კოლუმბიელ ფორვარდს ტურინში კარლოს ტევესის შემცვლელად მოიაზრებენ, რომელმაც “იუვესთან” კონტრაქტის გახანგრძივებაზე ჯერჯერობით უარი განაცხადა.
ტოტენჰემი მაკკარტისთვის იბრძოლებს
“არსენალთან” ერთად “ევერტონიდან” ჯეიმს მაკკარტის გადასაბირებლად “ტოტენჰემიც” იბრძოლებს. უკეთეს კონტრაქტზე უარის შემთხვევაში ფეხბურთელი ლივერპულურ კლუბს იანვარში დატოვებს.
ბონი რეალში
ბრიტანული პრესის ცნობით მადრიდის “რეალში” ბონი უილფრედის შეძენაზე ფიქრობენ. “სუონსის” შემტევს მადრიდელები ბენზემას დუბლიორის როლს სთავაზობენ.
ბალოტელის წასვლა სურს
იტალიური მედიის ინფორმაციით მარიო ბალოტელის აგენტი “ლივერპულის” ხელმძღვანელობას მისი კლიენიტს იჯარის წესით გაშვებას სთხოვს. ფეხბურთელისადმი ინტერესს “ნაპოლი” და “ინტერი” იჩენენ.
პსჟ კავანის შეელევა
პსჟ ედისონ კავანის მიმდინარე სეზონის დასრულების შემდეგ დაემშვიდობება. ურუგვაელის სამსახურით “არსენალი”, “მანჩესტერ იუნაიტედი” და “ლივერპული” ინტერესდებიან.
