დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
ტოტონჰემს კონოპლიანკა კვლავ აინტერესებს
“ტოტენჰემი” “დნიპროს” ნახევარმცველის ევგენი კონოპლიანკას მიმართ ინტერესს კვლავ იჩენს. ლონდონელები უკრაინული კლუბისთვის 7 მილიონის შეთავაზებას აპირებენ.
მოდრიჩი რეალს ტოვებს?
ფიფას აგენტმა ფრანსუა გალიარდომ განაცხადა, რომ ლუკა მოდრიჩმა, შესაძლოა, “რეალი” დატოვოს. საქმე ხორვატი ფეხბურთელი მეუღლის პოზიციაში ყოფილა, რომელსაც მადრიდში ცხოვრება არ მოსწონს.
კუარეჟმა ფენერბაჰჩეში მიდის
“პორტოს” შემტევი რიკარდო კუარეჟმა თურქეთის ჩემპიონატში დაბრუნების შესაძლებლობას განიხილავს. პორტუგალიელისადმი ინტერესს “ფენერბაჰჩე” იჩენს. შეგახსენებთ, რომ სამშობლოში დაბრუნებამდე რიკარდო თურქულ “ბეშიქთაშში” ასპარეზობდა.
პსჟ ტურესთვის ბრძოლაში ფავორიტია
პსჟ-ს “მანჩესტერ სიტიდან” იაია ტურეს გადაბირება სურს. იმ შემთხვევაში, თუ კოტ-დივუარელი გუნდის გამოცვლას გადაწყვეტს, მთავარი ფავორიტი სწორედ პარიზული კლუბი იქნება. ფრანგები მოთამაშეში 20 მილიონ გირვანქას იხდიან.
ადებაიორს წასვლა არ სურს
“ტოტენჰემის” ფორვარდმა ემანუელ ადებაიორმა განაცხადა, რომ იანვარში გუნდის გამოცვლას არ აპირებს. ფეხბურთელის თქმით, ის მიმდიანრე მდგომარეობით კმაყოფილია და იმედოვნებს, რომ ოპტიმალურ ფორმას უახლოეს მომავალში დაიბრუნებს.
