დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს გთავაზობთ.
შიურლე ვოლფსბურგში გადავა
ბრიტანული პრესის ცნობით “ჩელსის” ფორვარდი ანდრე შურლე კარიერას “ვოლფსბურგში” გააგრძელებს. ლურჯებს მოთამაშეში 22,5 მილიონის მიღება სურთ.
ფარაონი კალიარის უახლოვდება
“კალიარი” და “უდინეზე” მარკო ფარაონის ტრანსფერის შესახებ აწარმოებენ მოლაპარაკებებს. გავრცელებული ინფორმაციით მხარეებმა შეთანხმებას ფაქტობრივად მიაღწიეს და მოთამაშეც კარიერას “კალიარიში” გააგრძელებს.
კორდობა მედრანს ინათხოვრებს
“კორდობას” პრეზიდენტის, კარლოს გონსალესის, თქმით მისი კლუბის ინტერესთა სფეროში მადრიდის “რეალის” ახალგაზრდა ფეხბურთელი ალვარო მედრანი მოხვდა. კორდობელებს ნახევარმცველის დამატება იჯარის წესით სურთ.
დუგლას კოსტას ჩელსიში სურს
“შახტარის” ფეხბურთელ დუგლას კოსტას იმედი აქვს, რომ დონეცკელები მის “ჩელსიში” გადასვლას ხელს არ შეუშლიან. უკრაინული კლუბი ბრაზილიელში 30 მილიონ გირვანქას ითხოვს, თუმცა ლონდონელებს ნაკლების გადახდა სურთ.
პარიზელები მანჩესტერს დაუკავშირდნენ
ადნან იანუზაი, შესაძლოა, პსჟ-ში გადავიდეს. პარიზული კლუბი “იუნაიტედს” მოთამაშის ტრანსფერის შესახებ უკვე დაუკავშირდა.
