დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს გთავაზობთ.
ვან გაალის დე ხეას წასვლას არ გამორიცხავს
“მანჩესტერის” მთავარი მწვრთნელი, ლუი ვან გაალი, დავიდ დე ხეას “რეალში” წასვლას არ გამორიცხავს. ჰოლანდიელი სპეციალისტის თქმით გამორიცხული არაფერია, თუმცა მანჩესტერელებს მისი შენარჩუნება სურთ.
რომას იბარბო სურს
“რომას” ინტერესთა სფეროში კოლუმბიელი სეგუნდო იბარბო მოხვდა. “კალიარის” მოთამაშეში რომაელები 15 მილიონ ევროს იხდიან.
კუადრადო ლონდონშია
“ფიორენტინას” ფორვარდი ხუან კუადრადო ლონდონში ჩავიდა და უახლოეს საათებში “ჩელსიში” სამედიცინო შემოწმებას გაივლის. “ლურჯები” შემტევში დაახლოებით 35 მილიონ ევროს გადაიხდიან.
იუვენტუსი ოსვალდოს იჯარაზე აწარმოებს მოლაპარაკებებს
“იუვენტუსს” მილანის “ინტერის” ფორვარდის, პაბლო ოსვალდოს გადაბირება იჯარის წესით სურს. ფეხბურთელის სატრანსფერო უფლებებს “საუთჰემპტონი” სურს, თუმცა მილანურ გუნდში მას უსიამოვნო ინციდენტი მოუვიდა, რის გამოც “ინტერში” ოსვალდოს დარჩენა გამორიცხულია.
ბრაიან რუისი ლევანტეს უახლოვდება
“ლევანტემ” და “ფულემმა” ბრაიან რუისის იჯარაზე მოილაპარაკეს. თუმცა, ესპანურ კლუბს მოთამაშის განაცხადში შესაყვანად ფიფას ნებართვა სჭირდება.
