დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
იუვენტუსი ოსკარით დაინტერესდა
პოლ პოგბას შესაძლო წასვლასთან დაკავშირებით “იუვენტუსი” ახალ ნახევარმცველს ეძებს. ტურინელთა ერთ-ერთი კანდიდატი “ჩელსის” ფეხბურთელი ოსკარია. მასთან ერთად განიხილება უესლი სნეიდერის ვარიანტიც.
ლივერპული პიანიჩის გადაბირებას ცდილობს
“ლივერპულის” წვრთნელი, ბრენდან როჯერსი, რომში ჩავიდა, სადაც მირალემ პიანიჩის ტრანსფერთან დაკავშირებით აწარმოებს მოლაპარაკებებს. მერსისაიდელები პიანიჩს სტივენ ჯერარდის შემცვლელად მოიაზრებენ.
ვან გაალი ინგსს აკვირდება
“მანჩესტერ იუნაიტედის” მწვრთნელი ლუი ვან გაალი გუნდში “ბარნლის” ფორვარდის, დენი ინგსის მოწვევის თაობაზე ფიქრობს. მოთამაშის მიმართ ინტერესს “ტოტენჰემიც” იჩენს.
იუვე და მილანი სიტის ფორვარდით ინტერესდებიან
“იუვენტუსი” და “მილანი” “მანჩესტერ სიტი” 18 წლის ფორვარდს, ხოსე ანხელ პოსოს აკვირდებიან. ესპანელ მოთამაშესთან ახალი კონტრაქტის გაფორმება მანჩესტერულ კლუბსაც სურს.
რეალი რონალდუს შეელევა?
ესპანური პრესის ცნობით, იმ შემთხვევაში, თუ “რეალს” რონალდუს თაობაზე სარფიანი წინადადებით მიმართავენ, კლუბის ხელმძღვანელობა პორტუგალიელის გასხვისებაზე დაფიქრდება. ფლორენტინო პერესი თვლის, რომ მომავალში კრიშტიანუს სატრანსფერო ფასი დაეცემა.
