დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
ლივერპული ბალოტელის შეელევა
ბრიტანული პრესის ცნობით “ლივერპულმა” მარიო ბალოტელი სეზონის დასრულების შემდეგ, შესაძლოა, “სამპდორიაში” გაყიდოს. მის ნაცვლად მერსისაიდელები ლუსიანო ვიეტოს მოწვევას ფიქრობენ.
პუშკაში ორ გერმანულ კლუბს სურს
“ინტერის” 18 წლის ფორვარდი გეორგე პუშკაში გერმანული კლუბების ინტერესთა სფეროში მოხვდა. მისი გადაბირებით “ლევერკუზენი” და “ვერდერი” არიან დაინტერესებულები.
ინტერი კონდოგბიაზე ფიქრობს
მილანის “ინტერში” “მონაკოდან” გეოფროი კონდოგბიას შეძენაზე ფიქრობენ. საფრანგეთის ვიცე-ჩემპიონი ნახევარმცველში 20 მილიონ ევროს ითხოვს.
შალკე ბოატენგს შეელევა?
გელზენკირხენელთა დამრიგებელი, რობერტო დი მატეო, კევინ-პრინს ბოატენგის ფორმით უკმაყოფილოა. მწვრთნელი თვლის, რომ განელის თამაშის დონე მის ხელფასს არ შეესაბამება.
ევერტონი დიეგოთი დაინტერესდა
“ფენერბაჰჩეს” ბრაზილიელი ნახევარმცველი დიეგო, რომელიც “იუვენტუსში” და “ატლეტიკოში” ასპარეზობდა, “ევერტონის” ინტერესტა სფეროში მოხვდა. თურქულ კლუბთან მისი კონტრაქტი 2016/17 წლების სეზონის ბოლომდეა გათვლილი.
