დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
პორტუ ბუენოსთვის იბრძოლებს
“პორტუს” ინტერესთა სფეროში “რაიო ვალეკანოს” ფორვარდი, ალბერტო ბუენო მოხვდა. შემტევზე, რომლის ანგარიშზე პრიმერას მიმდინარე გათამაშებაში გატანილი 15 გოლია, ინტერესს “პალერმოც” იჩენს.
ბარსელონა პედროს არ გაუშვებს
ესპანური პრესის ცნობით პედრო “ბარსელონაში” დარჩება. კატალონიურ კლუბში თვლიან, რომ ტრანსფერებზე აკრძალვის გამო, მათ მოთამაშეების გაშვების ფუფუნება ამ ეტაპზე არ აქვთ.
რეალი ალაბაზე ფიქრობს
მადრიდის “რეალი” მიუნხენის “ბაიერნიდან” დავიდ ალაბას გადაბირებას აპირებს. ავსტრიელის შეძენა “სამეფო კლუბის” ერთ-ერთი მთავარი პრიორიტეტია.
ატლეტიკო ლავესისთვის იბრძოლებს
იტალუირ გრანდებთან და “ტოტენჰემთან” ერთად პსჟ-ს ფორვარდ ეზეკილ ლავესისთვის ბრძოლაში მადრიდის “ატლეტიკოც” ჩაერთო. პარიზული კლუბი კი მზად არის მოთამაშეს სეზონის დასრულების შემდეგ შეელიოს.
გარსია დე როსის არ უშვებს
“რომას” თავკაცმა, რუდი გარსიამ, დანიელე დე როსის მლს-ში შესაძლო გადაბარგებაზე ისაუბრა და განაცხადა, რომ მისი შენარჩუნება გუნდში დიდი ხნით სურს.
