დღის 5 სატრანსფერო ჭორი
ტრადიციულად გთავაზობთ დღის გამორჩეულ სატრანსფერო ჭორებს.
ჩელსი ვან გინკელს მილანში არ უშვებს
ლონდონის “ჩელსიმ” მარკო ვან გინკელის “მილანში” განათხოვრებაზე უარი განაცხადა. გადაწყვეტილება პირადად ჟოზე მოურინიომ მიიღო და ფეხბურთელს ლონდონში დარჩენა ურჩია.
გუარინს მანჩესტერში სურს
“ინტერის” კოლუმბიელ ნახევარმცველ ფრედი გუარინს კარიერის გაგრძელება “მანჩესტერ იუნაიტედში” სურს. ფეხბურთელის მიმართ ინტერეს “ზენიტიც” იჩენს, რომელიც მას საკმაოდ სარფიან კონტრაქტს სთავაზობს.
იუნვეტუსი შაქირით დაინტერესდა
ტურინის “იუვენტუსის” ინტერესთა სფეროში “ბაიერნის” ნახევარმცველი ჯერდან შაქირი მოხვდა. შვეიცარიის ნაკრების შემტევი ნახევარმცველი მასიმილიანო ალგერის ერთ-ერთი მთავარი პრიორიტეტია.
ბენატია “ბაიერნს” უახლოვდება
უცხოური პრესის ცნობით ორშაბათს “რომას” მცველი მეჰდი ბენატია “ბაიერნის” ფეხბურთელი გახდება. ტრასნფერის ღირებულება 30 მილიონი ევროა.
პოდოლსკი ნაპოლის ინტერესთა სფეროშია
“ნაპოლი” შეტევის გაძლიერებას ლონდონის “არსენალის” და გერმანიის ნაკრების შემტევით, ლუკაშ პოდოლსკით აპირებს. “მეთოფეები” მზად არიან ფეხბურთელს შეელიონ, თუმცა ამ ეტაპზე იტალიური კლუბი პოდოლსკის მაღალი ხელფასის გადახდას ვერ ახერხებს.
