დღის 5 სატრანსფერო ჭორი
Fanebi.com გთავაზობთ დღის გამორჩეულ სატრანსფერო ამბებს.
ანჩელოტის ვერატი სურს
ფრანგული პრესის ცნობის მიმდინარე სეზონის დასრულების შემდეგ პსჟ-ს ფეხბურთელი მარკო ვერატი მადრიდის “რეალის” მთავარი სატრანსფერო სამიზნე იქნება. ფეხბურთლის გადაბირებით კარლო ანჩელოტი პირადადაა დაინტერესებული.
გალათასარაი ხოელ კემპბელს აკვირდება
“გალათასარაი” ლონდონის “არსენალიდან” ხოელ კემპბელის გადაბირებაზე ფიქრობს. თურქულმა კლუბმა, შესაძლოა, ტრანსფერის განახორციელება ზამთარში სცადოს.
იუვე და ინტერი კირიშეკისთვის იბრძოლებენ
ტურინის “იუვენტუსი” და მილანის “ინტერი” ლონდონის “ტოტენჰემის” მცველით, ვლად კირიშეკით დაინტერესდნენ. აღნიშნულ ინფორმაციას იტალიური პრესა ავრცელებს.
მონტოია ბარსელონას ზამთარში დატოვებს?
“ბარსელონას” მცველი მარტინ მონტოია კლუბის თავკაცის, ლუის ენრიკეს, გეგმებში აღარ შედის. მოსალოდნელია, რომ ფეხბურთელი კატალონიურ კლუბს ზამთრის სატრანსფერო ფანჯრის დროს დაემშვიდეობება.
რეალი კრამერით დაინტერესდა
“გლადბახის” ნახევარმცველი კრისტოფ კრამერი მადრიდის “რეალის” ინტერესთა სფეროში მოხვდა. “სამეფო კლუბში” გერმანელს სამი ხედირას შემცვლელად განიხილავენ.
