დღის 5 სატრანსფერო ჭორი
Fanebi.com წარმოგიდგენთ დღის გამორჩეულ სატრანსფერო ამბებს.
ფირმინიო მანჩესტერს უახლოვდება
“ჰოფენჰაიმის” ნახევარმცველის რობერტო ფირმინიოსთვის ბრძოლაში, ბრიტანული პრესის ცნობით, ფავორიტი “მანჩესტერ იუნაიტედია”. ინგლისური კლუბი “ჰოფენჰაიმის” ხელმაძღვანელობას ფეხბურთელის სანაცვლოდ 20 მილიონ გირვანქას სთავაზობს.
მანჩინი ინტერში ბალოტელის დააბრუნებს
იტალიური პრესის ცნობით მარიო ბალოტელი, შესაძლოა, მილანის “ინტერში” დაბრუნდეს. ფეხბურთლის დაბრუნებით მილანურ კლუბში მთავარი მწვრთნელის თანამდებობაზე დანიშნული რობერტო მანჩინია დაინტერესებული, რომელიც მარიოსთან ერთად “ინტერში” და “სიტიში” მუშაობდა.
არსენალი ბენდერით ინტერესდება
ლონდონის “არსენალის” ინტერესთა სფეროში “ლევერკუზენის” ნახევარმცველი ლარს ბენდერი მოხვდა. თუმცა, აღნიშნულ ტრასნფერს მეთოფეები მხოლოდ იმ შემთხვევაში განახორციელებენ, თუ “რეალიდან” სამი ხედირას გადაბირებას ვერ შეძლებენ.
ჯოვინკო, შესაძლოა, ოლიმპიაკოსში გადავიდეს
“იუვენტუსის” შემტევით სებასტიან ჯოვინკოთი ბერძნული “ოლიმპიაკოსი” დაინტერესდა. ტურინულ კლუბთან ფეხბურთელის კონტრაქტი 2015 წელს იწურება, მის გახანგრძლივებაზე კი საუბარი ჯერჯერობით არ არის.
ბეილი ჩელსიში არ გადავა
ბრიტანული მედიის ცნობით “რეალის” ნახევარმცველმა გარეთ ბეილმა “ჩელსიში” გადასვლაზე უარი განაცხადა. ლონდონელები უელსელში სარეკორდო თანხას იხდიდნენ, თუმცა ფეხბურთელმა მადრიდში დარჩენა ამჯობინა.
