დღის 5 სატრანსფერო ჭორი
Fanebi.com გთავაზობთ დღის გამორჩეულ სატრანსფერო ამბებს.
ბარსელონა ასენსიოს გადაბირების იმედს არ კარგავს
ესპანური პრესის ცნობით “ბარსელონა” “მალიორკადან” მარკო ასენსიოს გადაბირების იმედს არ კარგავს. შეგახსენებთ, რამდენიმე დღის წინ გავრცელებული ინფორმაციით, ახლაგაზრდა ესპანელი კონტრაქტის თაობაზე მადრიდის “რეალს” უკვე შეუთანხმდა.
რეალი როისზე აღარ ფიქრობს
Daily Mirror-ის ცნობით, მადრიდის “რეალი” მარკო როისისთვის აღარ ირძოლებს. გავრცელებული ინფორმაციით “დორტმუნდის” ლიდერი კარიერას ინგლისში გააგრძელებს. როისისადმი ინტერესს “არსენალი”, “მანჩესტერ იუნაიტედი” და “ჩელსი” იჩენენ.
ლუის ენრიკეს მცველის დამატება სურს
ტომას ვერმალენის ტრავმის გამო “ბარსელონას” თავკაც ლუის ენრიკეს მცველის ყიდვა სურს. თუმცა, კლუბის ხელმძღვანელობა გუნდის თავკაცის მოსაზრებას არ იზიარებს.
ჩიჩარიტო ინტერში?
მადრიდის “რეალის” ფორვარდი ჩიჩარიტო, რომელსაც დედაქალაქურ კლუბში საკმაოდ მცირე სათამაშო დრო ეძლევა, გუნდის გამოცვლაზე კიდევ ერთხელ დაფიქრდა. გავრცელებული ინფორმაციით, მექსიკელის გადაბირება მილანის “ინტერს” სურს.
ლევანტე როდალიეგათი დაინტერესდა
ესპანური პრესის ცნობით “ლევანტეს” ინტერესთა სფეროში “ფულემის” ფორვარდი, უგო როდალიეგა მოხვდა. მიმდინარე სეზონში 29 წლის შემტევმა ჩემპიონშიპის 13 შეხვედრაში 7 გოლის გატანა შეძლო.
