დღის მთავარი სატრანსფერო ამბები – 12 ივლისი
ალვეშის ტრანსფერი ოთხშაბათს გაოფიციალურდება
ფრანგული პრესის ცნობით, “პარი სენ-ჟერმენის” ხელმძღვანელები ოთხშაბათს სპეციალურ კონფერენციას მართავენ, სადაც ახალი სეზონის შესახებ უნდა ისაუბრონ.
Sky Sports-ის ჟურნალისტები კი ირწმუნებიან, რომ სწორედ ამ კონფერენციაზე მოხდება დანი ალვეშის ოფიციალური წარდგენა, რომელმაც უკვე მიაღწია შეთანხმებას პარიზულ გრანდთან.
“ბორუსიამ” “ჩელსისა” და “მილანს” 70-მილიონიანი შანსი მისცა
The Sun-ის ცნობით, დორტმუნდის “ბორუსიამ” უკვე მისცა გუნდიდან წასვლის უფლება გაბონელ შემტევს, პიერ-ემერიკ ობამეიანგს, რომლის ანგარიშზეც “ბორუსიას” მაისურით ჩატარებულ 189 მატჩში გატანილი 120 გოლია.
როგორც ცნობილი ხდება, გერმანელებმა უკვე გაუგზავნეს შეთავაზებები ლონდონის “ჩელსისა” და “მილანის” ხელმძღვანელებს – ისინი თავიანთი ლიდერის ტრანსფერში 70 მილიონ ფუნტს ითხოვენ.
ვიტოლო “ჩელსიში”?
ლონდონის “ჩელსის’ ხელმძღვანელები მადრიდის “ატლეტიკოს” სატრანსფერო დისკვალიფიკაციის სასარგებლოდ გამოყენებას და “სევილიას” გარემარბის, ვიტოლოს გადაბირებას გეგმავენ.
Cadena Cope-ს ცნობით, “არისტოკრატებმა” უკვე გაუგზავნს ოფიციალური წინადადება “სევილიას” და პასუხს უახლოეს დღეებში ელიან.
ვენგერი მბაპეს შეხვდა
ლონდონის “არსენალის” მთავარი მწვრთნელი, არსენ ვენგერი “მონაკოს” ახალგაზრდა ვარსკვლავს, კილიან მბაპეს შეხვდა. ამ ინფორმაციას France Football ადასტურებს.
წყაროს ცნობით, შეხვედრა 14 ივნისს გაიმართა და სამ საათზე მეტ ხანს გაგრძელდა. ვენგერი მაქსიმალურად ცდილობდა მბაპეს დარწმუნებას, რომ ის ტიერი ანრის ნაკვალევს გაჰყოლოდა. თუმცა ჯერ არ ვიცით, რამდენად შეძლო მან ეს.
პრემიერ ლიგის კლუბები მუნირს არ ეშვებიან
ინგლისური პრემიერ ლიგის კლუბები კატალონიის “ბარსელონას” კუთვნილებაში მყოფ ახალგაზრდა თავდამსხმელს, მუნირ ელ ჰადადს არ ეშვებიან.
Goal-ის ცნობით, 14 მილიონ ევროდ შეფასებულიფეხბურთელის გადაბირებით “შალკესთან” და “ლიონთან” ერთად, “კრისტალ პალასი”, “საუთჰემპტონი” და “ვესტ ჰემიც” არის დაინტერესებული.
