დღის მთავარი სატრანსფერო ამბები (14 იანვარი)
ოფიციალურად: ჯაბა ჯიღაური სკოპიეს “ვარდარის” ფეხბურთელია
სულ ცოტა ხნის წინ ოფიციალურად დადასტურდა, რომ თბილისის “დინამოს” აწ უკვე ყოფილი ფეხბურთელი, ჯაბა ჯიღაური სკოპიეს “ვარდარში” ითამაშებს. ამის შესახებ ინფორმაციას მაკედონიური კლუბის ოფიციალური გვერდი ავრცელებს.
ჩინელები ხამეს როდრიგესს მიუახლოვდნენ
“ტიანძინ ციუანძიანის”-ის პრეზიდენტი, შუ იუჰიუ მადრიდის “რეალის” კოლუმბიელი ვარსკვლავის, ხამეს როდრიგესის აგენტთან ერთად, ჩინეთში დააფიქსირეს. არაა გამორიცხული, რომ ახალგაზრდა ფეხბურთელი პრემიერ ლიგის ვარსკვლავების გზას გაჰყვეს და კარიერას ფული ამჯობინოს.
კონტეს მორატა მოუნდა
Calciomercato იტყობინება, რომ ანტონიო კონტემ უკვე დაიწყო დიეგო კოშტას შემცვლელის ძებნა. შესაძლოა, კოშტა სულაც არ წავიდეს და კონტემ ალვაროთი, უბრალოდ, შეტევა კიდევ უფრო გააძლიეროს, მაგრამ ფაქტია, რომ ანტონიოსა და “ბლანკოსის” თავდამსხმელს შორის უკვე შედგა კონტაქტი. (Calciomercato)
“ვესტ ჰემი” სიგურდსონისა და ბატშუაის გადაბირებას აპირებს
“ვესტ ჰემის” ხელმძღვანელები დიმიტრი პაიეს ტრანსფერისგან მიღებული თანხის დახარჯვას “სუონსი სიტისა” ფლეიმეიკერის, გილფი სიგურდსონისა და “ჩელსის” ფორვარდის, მიში ბატშუაის ტრანსფერებში აპირებს. ლონდონურ კლუბს ამ ფეხბურთელების შეძენა დაახლოებით 20 მილიონი უნდა დაუჯდეს. (Daily Express)
“ლივერპულის” ფორვარდი ამერიკისკენ მიიწევს
მერსესაიდული “ლივერპულის” ფორვარდი, ბრუკს ლენონი ამერიკულ MLS-ში გადადის. როგორც მერსესაიდული გამოცემები იუწყებიან, ლენონი, რომელიც აშშ-ს 20-წლამდელთა ნაკრებში თამაშობს, “რეალ სოლტ ლეიკში” სეზონის ბოლომდე, არენდის წესით ითამაშებს. (Liverpool Echo)
“პარის სენ-ჟერმენს” დეპაის გადაბირება უნდა
ფრანგული “პარის სენ-ჟერმენის” ხელმძღვანელები “მანჩესტერ იუნაიტედის” ჰოლანდიელი შემტევის, მემფის დეპაის გადაბირებით არიან დაინტერესებულები. როგორც იცით, დეპაის გადაბირების სურვილი უკვე გამოთქვეს “ლიონისა” და “ევერტონის” ხელმძღვანელებმა, მაგრამ პარიზელების ბიუჯეტის ფონზე, ამ კლუბებს მათთვის კონკურენციის გაწევა ნამდვილად გაუჭირდებათ. (The Sun)
მოსალოდნელი ტრანსფერები (14.01.2017)
