დიბალა და მარკიზიო თვენახევრის განმავლობაში ვერ ითამაშებენ

ტურინის “იუვენტუსი” მომავალი რამდენიმე კვირის განმავლობაში პაულო დიბალასა და კლაუდიო მარკიზიოს გარეშე ითამაშებს.

ორივე ფეხბურთელს კუნთებზე აქვს პრობლემა. ექიმების პროგნოზით, მათ სრულ გამოჯანმრთელებას ხუთი-ექვსი კვირა დასჭირდება, რაც იმას ნიშნავს, რომ ისინი არამხოლოდ სერია A-ს მატჩებს გამოტოვებენ, არამედ მათი თამაში ჩემპიონთა ლიგის მერვედფინალურ ეტაპზე “ტოტენჰემ ჰოთსპურის” წინააღმდეგ გასამართ შეხვედრაშიც საეჭვო იქნება. ცნობისთვის, აღნიშნული მატჩი 13 თებერვალს ჩატარდება.

მიმდინარე სეზონში დიბალამ ყველა საკლუბო ტურნირზე ერთად 28 შეხვედრა ჩაატარა და 17 გოლი გაიტანა, ხოლო მარკიზიომ 11 მატჩში მიიღო მონაწილეობა.