დიბალა: “რონალდუს ვუთხარი, რომ არგენტინაში ჩვენ ის გვეზიზღება”

ტურინის “იუვენტუსის” თავდამსხმელმა, პაულო დიბალამ განაცხადა, რომ კრიშტიანო რონალდუ არგენტინაში პოპულარული არ არის და ამის შესახებ მან პორტუგალიელ თანაგუნდელს უკვე უთხრა.

“მე მას ვუთხარი: “კრიშტიანო, არგენტინაში ჩვენ შენ გვეზიზღები შენი ფიგურის გამო, იმის გამო, თუ როგორი ხარ, როგორ დადიხარ. სიმართლე გითხრა, შენ გამაკვირვე, რადგან რეალურად, განსხვავებული ყოფილხარ”, – თქვა დიბალამ არგენტინის ფეხბურთის ფედერაციის პრეს-სამსახურთან ინტერვიუში.

როგორც იცით, 26 წლის ფეხბურთელს მარტში კორონავირუსი დაუდასტურდა. მან კომენტარი ვირუსის შესახებაც გააკეთა:

“ხშირი ხველება მქონდა, მალე ვიღლებოდი და ღამით, როცა ვიძინებდი, მციოდა. თავს ცუდად ვგრძნობდი და ამის შესახებ “იუვენტუსის” ექიმებს ვესაუბრე.”