დიეგო მარადონამ ბოდიში მოიხადა

ლეგენდარულმა არგენტინელმა ფეხბურთელმა, დიეგო მარადონამ ფიფასა და მის პრეზიდენტს კოლუმბიასა და ინგლისის მატჩის დასრულების შემდეგ გაკეთებული განცხადების გამო ბოდიში მოუხადა.

როგორც იცით, ინგლისის ნაკრებმა კოლუმბია პენალტების სერიაში დაამარცხა. მარადონა კოლუმბიელებს ქომაგობდა, შეხვედრის შემდეგ კი მთავარი არბიტრი გააკრიტიკა: “დღეს მე მოედანზე ქურდობა ვიხილე. ამაში დარწმუნებული ვარ. ამ მსაჯს ბეისბოლის შესახებ ბევრი რამ ეცოდინება, მაგრამ მას ფეხბურთზე წარმოდგენა არ აქვს. პენალტის მომენტში კეინი უნდა დაჯარიმებული. რატომ არ გადაამოწმა მან ეს ვიდეორეფერისთან?”

დღეს არგენტინელმა სოციალურ ქსელ Instagram-ში განცხადება გამოაქვეყნა.

“კოლუმბიის ნაკრების მარცხის შემდეგ, რამდენიმე რამ ვთქვი და ვაღიარებ, ეს სიტყვები მიუღებელია. ფიფასა და მის პრეზიდენტს ბოდიშს ვუხდი. ზოგჯერ ჩემი პოზიციები მსაჯების გადაწყვეტილებებს არ ემთხვევა. მე მსაჯების საქმიანობას პატივს ვცემ”, – ვკითხულობთ მარადონას განცხადებაში.

Tomado por la emoción de hinchar por Colombia el otro día, yo dije un par de cosas y, admito, algunas de ellas son inaceptables. Mis disculpas a la FIFA y a su presidente: por mucho que a veces yo pueda tener opiniones contrarias a algunas decisiones arbitrales, tengo absoluto respeto por el trabajo – nada fácil – que hacen la institución y los árbitros.

A post shared by Diego Maradona Oficial (@maradona) on Jul 5, 2018 at 4:59am PDT