დიეგო სიმეონე: “ისეთი მდიდრები არ ვართ, როგორიც “რეალია”
დღეს ევროპის სუპერ თასის შეხვედრაში ერთმანეთს მადრიდის “რეალი” და თანაქალაქელი “ატლეტიკო” დაუპირისპირდებიან. “როხიბლანკოს” მთავარმა მწვრთნელმა, დიეგო სიმეონემ მნიშვნელოვან მატჩამდე პრესკონფერენციაზე ისაუბრა.
“აშკარაა, რომ “ატლეტიკოსგან” უფრო მეტის მოლოდინი აქვს გულშემატკივარს. ჩვენ წინ უნდა განვაგრძოთ სვლა. სწორედ ის უნდა გავაუმჯობესოთ, რაც გასულ სეზონებში გავაკეთეთ. ახლა ჩემს გუნდზე კიდევ უფრო მეტი რამაა დამოკიდებული. ახალი ფეხბურთელებით შევსება და შემდეგ მუშაობა მნიშვნელოანია, რათა უფრო სოლიდური კლუბი გავხდეთ.
გასახდელ ოთახში ახალი ხალხი გვყავს. ხოლო, ღირებულმა მოთამაშეებმა დატოვეს გუნდი. აუცილებელია, შევქმნათ კარგი გარემო და ასე გავძლიერდეთ ფსიქოლოგიურად. შემდეგ, ბარიერსაც მარტივად გადვლახავთ. არ მიყვარს ბიუჯეტის ხსენება, თუმცა ის ფაქტია, რომ ამ მხრივ ისეთი შესაძლებლობა არ გვაქვს, როგორიც – “რეალს”. ყველანაირად ვეცდებით მაქსიმალურად დავიხარჯოთ და უფრო მეტს მივაღწიოთ,” – ამბობს სიმეონე.
