დიეგო სიმეონე: “ტორესს ვთხოვე, ალონსოს შეჩერება ეცადა, გრიზმანს კი იგივე ვიდალზე ვუთხარი”
გუშინ ჩემპინთა ლიგის შეხვედრები გაიმართა. ერთ-ერთ მატჩში დიეგო სიმეონეს “ატელტიკომ” მადრიდში, “ვისენტე კალდერონზე” მიუნხენის “ბაიერნს” უმასპინძლა და მეტოქე მინიმალური ანგარიშით დაამარცხა.
მატჩის შემდეგ სიმეონემ ჟურნალისტებთან ისაუბრა.
“ეს იყო ერთ-ერთი ყველაზე კარგი თამაში, რომელიც “ატლეტიკომ” ჩემი მოსვლის დღიდან აჩვენა. ბედნიერი ვარ, რომ ასეთი დონის ფეხბურთელებს ვწვრთნი. მათ შესანიშნავად იასპარეზეს.”
“იყო რაღაც შეცდომები, მაგრამ რთულია, უნაკლოდ ითამაშო, როცა ასეთი ძლიერი გუნდის წინააღმდეგ ასპარეზობ.”
“ბაიერნი” შესანიშნავი კლუბია, სადაც უმაღლესი დონის ვარსკვლავები თამაშობენ. არც კი მახსოვს მათ ბოლოს როდის წააგეს ამ მატჩამდე.”
“ტორესს დავავალე, რომ ალონსო გაეჩერებინა, გრიზმანს კი იგივეს გაკეთება ვთხოვე არტურო ვიდალთან დაკავშირებით.”
“ფილიპ ლამს და ჟერომ ბოატენგს მე და ჩემი მოთამაშეები კარგად ვიუცნობთ და ამიტომ ვიცოდით, როგორ შეგვეტია მათ წინააღმდეგ, როგორ გვეპოვა ცარიელი სივრცეები. გოლიც ასე გავიტანეთ.”
“სულ ცოტა დაგვრჩა ჯგუფიდან გასასვლელად. ეს ყველაზე მეტად იმაზეა დამოკიდებული, რას ვიზამთ “როსტოვთან” რუსეთში. ყველაფერს გავაკეთებთ, რომ მერვედფინალის საგზური მალე გავინაღდოთ!” – თქვა სიმეონემ პრესკონფერენციაზე.
