დილა – მერანი 1:2

გორში გამართული ქვედა ექვსეულის მატჩი სენსაციური შედეგით დასრულდა. “დილა” და “მერანი” ერმანეთს რამდენიმე დღის წინ, ეროვნული ჩემპიონატის პირველი ეტაპის უკანასკნელ ტურში დაუპირისპირდნენ. ის შეხვედრა გორელებმა მოიგეს, მაგრამ საუკეთესო ექვსეულში შესვლა მაინც ვერ მოახერხეს.

მწვრთნელის გარეშე დარჩენილი “დილა” დღევანდელ შეხვედრას ფავორიტის რანგში შეხვდა და აღნიშნული სტატუსს თავიდან ამართლებდა კიდეც. გორელები ბევს უტევდნენ. ძირითადად მარცხენა ფლანგიდან, სადაც შალამბერიძე აქტიურობდა. “მერანი” კი, ძირითადად კონტრშეტევებიც ცდილობდა ფონს გასვლას.

თენგიზ ბურჯანაძეზე შეკრებილმა გულშემატკივარმა გოლები მეორე ტაიმში იხილა. ანგარიში მასპინძლებმა 51-ე წუთზე გახსნეს. ხელსაყრელ პოზიციაზე დარჩენილმა შალამბერიძემ მამალაძეს შანსი არ დაუტოვა – 1:0. გატანილი გოლის მერე, გორელები თითქოს გაჩერდნენ და აქვენტი ანგარიშის შენარჩუნებაზე გააკეთეს, რაც არ გამოუვიდათ. სტუმრებმა ჯერ დაცვის შეცდომით ისარგებლეს და 68-ე წუთზე ციცხვაიას ძალისხმევით გაათანაბრეს ანგარიში. სულ რაღაც 4 წუთში კი, მელიავას ულამაზესი გოლით “მერანი” წინ გავიდა.

დარჩენილ წუთებში გორელების შტურმმა შედეგი ვერ გამოიღო. ზურაბ იონანიძემ “მერანის” მთავარი მწვრთნელი პოსტზე პირველი შეხვედრა მოიგო.

დილა: ლეგაშვილი, ქარქუზაშვილი, კობახიძე, ჯიშკარიანი, ხიზანეიშვილი, რაზმაძე, გურეშიძე, შალამბერიძე, ბოლქვაძე, კოშკაძე, კვარაცხელია.

შეცვლაზე შევიდნენ: ბერიაშვილი, გაფრინდაშვილი, წიქარიძე.

მწვრთნელი: ვახტანგ აკოფიანი.

მერანი: მამალაძე, მელიავა, იობაშვილი, გაბუნია, ხუბუა, ჯღამია, ფონიავა, ბენაშვილი, ბაბუნაშვილი, კუჭუხიძე, ციცხვაია.

შეცვლაზე შევიდნენ: გეგეჩკორი, დეკანოსიძე, ჩხეტიანი.

მწვრთნელი: ზურაბ იონანიძე.