,,დილამ“ შეკრება გამარჯვებით დაასრულა
გორის ,,დილამ“ შეკრების დასასრულს საერთაშორისო ამხანაგურ მატჩში გიუმრის ,,შირაქს“ უმასპინძლა და მეტოქე თენგიზ ბურჯანაძის სახელობის სტადიონზე ანგარიშით 2:0 დაამარცხა. ამხანაგურ მატჩს დაძაბულობა არ აკლდა, რის გამოც მატჩის მთავარ არბიტრს ,,შირაქის“ფეხბურთელების მოედნიდან გაძევება მოუხდა.
გორელი მაყურებელი ინტერესით ელოდა გუნდის ახალწვეულების გამოჩენას. როგორც მოგეხსენებათ ამ დროისთვის ,,დილა“ უკვე შვიდი ფეხბურთელით გაძლიერდა. პირველი ნახევარი გორელთა უპირატესობით წარიმართა. ჩვენი გუნდი მოედნის ცენტრში დაბალი, სწრაფი პასებით კომბინირებდა.
შეიძლება ითქვას, რომ საწყისი 15 წუთი ,,დილამ“ ,,შირაქს“ ბურთი დაუმალა. პირველ ნახევარში სომეხთა კართან სახიფათო მომენტებიც მრავლად შეიქმნა. შანსი გვალიას შორეული დარტყმის შემდეგ ჯერ მოდებაძეს ჰქონდა რომელმაც ბურთი ძელს მოარტყა, შემდეგ კი გადმოვარდნილი ბურთით იქვე მყოფმა ბაგაევმააც ვერ იხეირა. გამორჩეული იყო გიორგი ერისთავი, რომელმაც ერთ ეპიზოდში მეკარის მოტყუება განიზრახა თუმცა კიპერმა მის მიმართ თამაშის წესები დაარღვია რის გამოც მსაჯმა თერთმეტმეტრიანი დანიშნა. პენალტი 43’ წუთზე ლუკა რაზმაძემ ოსტატურად შეასრულა და ანგარიშიც გახსნა – 1:0. პირველ ნახევარში ახალწვეულთაგან მოედანზე მუჯრიშვილი, კვირკველია, მარცვალაძე და ილურიძე ირჯებოდნენ, რომლებმაც ტაიმი უმაღლეს დონეზე ჩაატარეს.
მეორე ნახევარში ,,დილა“ მოედანზე განახლებული შემადგენლობით გამოვიდა და მინდორზე გამოჩნდნენ სათადარიგოთა სკამზე მყოფი ახალწვეულებიც. მეორე ტაიმის საწყის წუთებზე სომეხმა ფეხბურთელებმა აქტიურობას უმატეს. აგრესიული თამაში ხშირად სრულდებოდა მათი დაჯარიმებით. ,,შირაქის“ რიგებიდან აქტიურობდნენ სამხრეთ აფრიკელი ლეგიონერები, თუმცა ,,დილას“ მცვლები მათ იერიშებს სტაბილურად იგერიებდნენ.
მოწოდების სიმაღლეზე იყო მუჯრიშვილი, რომელმაც რამდენიმე ძლიერი დარტყმული კუთხურზე მოიგერია. განსაკუთრებული აღნიშვნის ღირსია გუნდის კიდევ ერთი ახალწვეულის, კვირკვიასეფექტური გარჯდა. ის აქტიურად ერთვებოდა შეტევებში და ბურთის მოსაპოვებლად უშეღავათოდ იბრძოდა.
მეორე თერთმეტმეტრიანი საჯარიმოში სეთურიძის ჩაწოდებას მოჰყვა, რა დროსაც მეტოქე გუნდის მცველმა საჯარიმოს სიღრმეში წასული ბურთი ხელით შეაჩერა. ეპიზოდს ,,შირაქის“ ფეხბურთელთა პროტესტი მოჰყვა, მაგრამ ამ შემთხვევაში არბიტრი შეუვალი აღმოჩნდა, მეორე თერთმეტმეტრიანი კი ზუსტად გიორგი სეთურიძემ შეასრულა. 2:0.
საბოლოოდ მატჩი ჩვენი გუნდის გამარჯვებით 2:0 დასრულდა.
„დილამ“ ასეთი შემადგენლობით ითამაშა: მუჯრიშვილი, კვირკველია, ბაგაევი, კვახაძე (კაპ.), ხურცილავა, გვალია, რაზმაძე, ილურიძე, მარცვალაძე, ერისთავი, მოდებაძე.
მეორე ნახევარში შევიდნენ: ქარქუზაშვილი, სამხარაძე, ღონღაძე, წიქარიძე, სეთურიძე, კვირკვია, გორელიშვილი, მაშუკოვი.
მთავარი მწვრთნელი: უჩა სოსიაშვილი.
„დილას“ პრესსამსახური
