“დილას” დუბლებმა “სპარტაკს” მოუგეს
დუბლიორთა ტურნირის VII ტურის მატჩში „დილამ“ ხელოვნურსაფარიან მოედანზე „სპარტაკი“ მიიღო და მეტოქე 3:1 დაამარცხა.
მატჩი მთლიანად გორელი ფეხბურთელების უპირატესობით წარიმართა. 25’-ე წუთზე მასპინძელთა ერთ-ერთი შეტევის დროს მცველს საკუთარ საჯარიმოში ბურთი ხელზე მოხვდა და მთავარმა არბიტრმა თერთმეტმეტრიანი დანიშნა, რომელიც კონსტანტინე გაბაშვილმა ზუსტად შეასრულა – 1:0.
ანგარიშის გახსნის შემდეგ ორივე გუნდს შეეძლო გატანა. სტუმრებს მეორმოცე წუთზე ხელსაყრელი მომენტი ჰქონდათ, თუმცა ლეგაშვილმა ნახტომში შეძლო ბურთის კუთხურზე მოგერიება. პირველი ნახევარი ამავე ანგარიშით დასრულდა.
მეორე ტაიმი კვლავ „დილას“ უპირატესობით დაიწყო და პირველივე წუთებში გაბაშვილმა მეორე ბურთიც შეაგდო, თუმცა თამაშგარე დაფიქსირდა. სამაგიეროდ ათიოდე წუთში შეცვლაზე შესულმა ნიკოლოზ სადაღაშვილმა ახლო მანძილიდან სხვაობა ორამდე გაზარდა – 2:0. მესამე გოლი 80’-ე წუთზე აკაკი სირბილაძემ მახვილი კუთხიდან გაიტანა და ანგარიში უფრო სოლიდური გახადა – 3:0.
სტუმრებმა ერთი გოლის გაქვითვა მაინც მოახერხეს. 87’-ე წუთზე თამაზ მაქაცარიამ საბოლოო ანგარიში დააფიქსირა – 3:1.
გუნდების შემადგენლობები
„დილა“: ლეგაშვილი, ტიტვინიძე, ოქროპირიძე, დრიაევი, ლაცაბიძე, ნ. ლომიძე, წიქარიძე, ნონიკაშვილი (ლ. ნოზაძე 82’), ქარელი (სადაღაშვილი 46’), სირბილაძე (კაპ.), გაბაშვილი (ჩხიკვაძე 81’).
სათადარიგო: თურმანიძე, სადაღაშვილი, ჩხიკვაძე, საბიაშვილი, ლ. ნოზაძე, მჭედლიშვილი, დოლიძე.
მთავარი მწვრთნელი: ვლადიმერ ელიაური.
„სპარტაკი“: გოგიაშვილი (აფციაური 82’), ცერცვაძე (კაპ.), თვალავაძე, ბერიძე, კაკაშვილი, კეგუხტაშვილი, მაქაცარია, მეგრელიშვილი, ყოჩიშვილი (ტორჩინავა 75’), ლაშქარავა, შენგელია (ჭინჭარაული 61’).
სათადარიგო: აფციაური, ჭინჭარაული, ტორჩინავა, ვასაძე, კობახიძე, სამხარაძე, წიკლაური.
მთავარი მწვრთნელი: მალხაზ ლაცაბიძე.
გაფრთხილებები: მეგრელიშვილი (18’), ლაცაბიძე (45’), ნ. ლომიძე (70’).
გოლები: გაბაშვილი (26’) 1:0, სადაღაშვილი (58’) 2:0, სირბილაძე (80’) 3:0, მაქაცარია (87’) 3:1.
მთავარი მსაჯი: მალხაზ ბეუქლიშვილი.
FCDila.GE
