“დინამო” ბათუმი – “ტორპედო” 3:2
24 ივლისს ქუთაისის „ტორპედომ“ მორიგი საკონტროლო მატჩი ბათუმში, კერძოდ კი სპორტკომპლექს „ადელის“ სტადიონზე გამართა, სადაც გასული ჩემპიონატის ვერცხლის პრიზიორ ბათუმის „დინამოს“ ესტუმრა.
როგორც იცით, ბათუმელთა გუნდმა ცოტა ხნის წინ ევროპის ლიგის პირველ საკვალიფიკაციო ეტაპზე კვიპროსულ „ომონიას“ წინააღმდეგ იასპარეზა, მაგრამ ორი მატჩის ჯამში(1:2) აღნიშნული ბარიერი ვერ გადალახა.
რაც შეეხება დღევანდელ მატჩს, იგი საკმაოდ უხვგოლიანი გამოდგა. ანგარიში მე-5 წუთზე დათა სიჭინავამ გახსნა, რომელმაც ოდიკაძისგან მიიღო ბურთი და მეორე შეხებით საჯარიმოს გარედან ლამაზად გაისროლა. სიჭინავა მოგვიანებით ტრავმის გამო გახდა შესაცვლელი, იგივე მიზეზით მეორე ტაიმში გოგუაძეც გავიდა მოედნიდან. 33-ე წუთზე ანგარიში ექსტორპედოელმა გიორგი ბერიაშვილმა გაათანაბრა და ტაიმიც ასეთი ანგარიშით დასრულდა. აღსანიშნავია, რომ მატჩის მომსახურე მსაჯთა(არბიტრი – ზვიად ტუღუში) გადაწყვეტილებები დღეს არცთუ იშვიათად იწვევდა ტორპედოელთა პროტესტს.
მეორე ტაიმის დაწყებიდან თხუთმეტ წუთში მასპინძლები უკვე ორბურთიანი სხვაობით იყვნენ წინ. ჯერ მეკარესთან პირისპირ გასულმა დიმიტრი ტატანაშვილმა გამოიყენა გატანის შანსი, შემდეგ კი ლევან კვანტალიანმა ეფექტურად შეძლო კარის აღება. 85-ე წუთზე, ქიმაძის პასით თორნიკე კაპანაძემ ძლიერი დარტყმით გაახვია ბურთი ბადეში და ამ შეხვედრაში წერტილი დასვა. 3:2 ბათუმელთა სასარგებლოდ.
გიორგი დარასელიამ „ტორპედო“ ასეთი შემადგენლობით ათამაშა: სომხიშვილი(თევდორაძე 46), ოდიკაძე, ადამაძე, მირცხულავა(ნიკონოვი 85), ქიმაძე, კლიმიაშვილი(კაპანაძე 58), სიჭინავა(ბაბუნაშვილი 30), კუხიანიძე(მამასახლისი 58), კახელიშვილი(გოგუაძე 75, ნაცვლიშვილი 83), კირკიტაძე(ხურციძე 75), შინდაგორიძე(კვერნაძე 46).
FCTorpedo.GE
