დინამო ჩემპიონთა ლიგას აქტობესთან მატჩის იწყებს
ხვალ, დინამო არენაზე ჩემპიონთა ლიგის მეორე საკვალიფიკაციო ეტაპის პირველ მატჩში თბილისის “დინამო” ყაზახურ “აქტობეს” უმასპინძლებს.
გუნდების მწვრთნელებმა ქვეყნის მთავარ არენაზე დღეს პრესკონფერენციები გამართეს და საკუთარი ფეხბურთელები მსუბუქად ავარჯიშეს.
ვლადიმირ გაზაევი (აქტობე): “მეტოქეზე საკმარის ინფორმაციას ვფლობთ. “დინამო” დიდი ისტორიის და ტრადიციების მქონე გუნდია, რომელსაც ჩვენ პატივს ვცემთ. იმედი მაქვს, ხვალ ჩვენი მოთამაშეები საუკეთესო თვისებების გამოვლენენ.
ჩვენთვის დადებითი რეზულტატი შემდეგ ეტაპზე გასვლა იქნება. სულ სამი დღეა რაც გუნდთან ერთად მუშაობის საშუალება მაქვს, თუმცა ინფორმაციას უკვე საკმარისად ვფლობ.
“ტორპედოსთან” დაპირისპირების შემდეგ “აქტობეს” შემადგენლობა შეიცვალა. გუნდში ბევრი ახალი მოთამაშეა. მიუხედავად ეროვნულ ჩემპიონატში წარუმატებელი თამაშისა, ბოლო ტურში გამარჯვების შემდეგ გუნდი კარგ ფსიქოლოგიურ მდოგმარეობაშია.”
პრესკონფერენციის დასრულებისთანავე “აქტობეს” ფეხბურთელებმა “დინამო არენას” მოედანზე ვარჯიში გამართეს, რომელიც მედიის წარმომადგენლებისთვის 15 წუთის შემდეგ დაიხურა.
მეტოქის შემდეგ ჟურნალისტების კითხვებს თბილისური კლუბის მთავარმა მწვრთნელმა მიხალ ბილეკმ და კაპიტანმა გიორგი ლორიამ უპასუხეს.
მიხალ ბილეკი (დინამო): “ხვალინდელი შეხვედრა ჩვენთვის ძალიან მნიშვნელოვანია. გუდის მიზანი ევროთასებზე რაც შეიძლება შორს წასვლაა. რთული მატჩია გველის. მართალია, “აქტობემ” ჩემპიონატის თამაშში 7-1 წააგო, მარამ ეს იმის ილუზიას არ უნდა გვიქმნიდეს, რომ გუნდი დასუსტებულია.
“დინამოში” შეკრებილი შემადგენლობა მომართულია ამ ეტაპის დასაძლევად. მთელი გუნდი წარამტებულ გამოსვლას გეგმავს. შესაბამისად, გუნდში მყოფი ფეხბურთელები მაქსიმალურად მობილიზებულები არიან. ჩისკოს საკითხი დღევანდელი ვარჯიშის შემდეგ გადაწყდება.”
გიორგი ლორია (დინამო): “შეკრებაზე ნაჩვენები შედეგი ჩვენს მზადყოფნას არ ასახავს. მწვრთნელი გაცნობის პროცესში იყო. საკმაოდ ბევრი ვიმუშავეთ ტაქტიკაზე და იმედია, ორი მატჩის ჯამში მომდევნო ეტაპზე სწორედ ჩვენ მოვახერხებთ გასვლას.”
“დინამო” – “აქტობეს დაპირისპირება ხვალ “დინამო არნაზე” 21:00 საათზე დაიწყება. მატჩზე დასასწრები ბილეთების ფასი 3, 5 და 10 ლარია.
მარიამ ნიშნიანიძის ფოტოები
