“დინამო” “ცხინვალთან” განადგურდა

დღეს, მიხეილ მესხის სახელობის სტადიონის სათადარიგო მოედანზე უმაღლესი ლიგის 25-ე ტურის შეხვედრა შედგა. „ცხინვალმა“ გათამაშების ერთ-ერთ ფავორიტს, თბილისის „დინამოს“ უმასპინძლა და დიდი ანაგარიშით დაამარცხა.

მატჩი ნელ ტემპში დაიწყო და პირველი მომენტი მხოლოდ მე-15 წუთზე შეიქმნა, როდესაც კაჭარავას სუსტი დარტყმა ჰრდლიჩკამ მოიგერია.

ანგარიში კი 24-ე წუთზე გაიხსნა. მარცხენა ფლანგიდან ლობჟანიძის მოწოდებულ ჯარიმას ცინცაძე გამოეხმაურა და ბურთი თავით ნადირაძის კარში გადაგზავნა 0-1. მალევე ონვუს ჰქონდა გატანის შანსი, თუმცა მისი დარტყმა კარს დიდი მანძილით ასცდა.

27-ე წუთზე ლობჟანიძემ საჯარიმოს მისადმომებთან რამდენიიმე მეურვე ჩამოიშორა და ჯკარში დაარტყა, მაგრამ ნადირაძემ იოლად მოიგერია. ზუსტად ორ წუთშ  კაკაბაძის შესანიშნავი პასის შედმეგ გატანა პირისპირ გასულ ჭანტურიშვილს შეეძლო, რომელმაც კარს მცირე მანძილით ააცილა.

32-ე წუთზე სტუმართა მეკარის ჯერი დადგა. ლიბორ ჰრდლიჩკამ ივანიშვილის ლამაზი დარტყმის მოგერიება შეძლო. 36-ზე კი მარცხენა ფლანგიდან შერგელაშვილის ჩაწოდებას მანუელი გამოეხმაურა, თუმცა მისი თავური კარს მცირე მანძლით ასცდა

„დინამომ“ საკუთარი მომენტები ვერ გამოიყენა და ამის გამო დაისაჯა კიდეც. ბაჩიაშვილის კარგი გადაცემის შემდეგ მეკარესთან პირისპირ დარჩენილმა ივანიშვილმა ჰრდლიჩკაც მოატყუა და ბურთი ცარიელ კარში შეაგდო – 1:1.

ტაიმის უკანასკნელ წუთზე „დინამოს“ დაწინაურების კიდევ ერთი შანსი ჰქონდა, თუმცა ონვუს ძლიერი დარტყმა ხარიხამ მოიგერია და პირველი ნახევარიც ფრედ დასრულდა.

მეორე ტაიმის დებიუტში ლობჟანიძის გამჭოლი გადაცემას ჭანტურშვილი ცარიელ კართან ვერ შეწვდა და დაწინაურების კარგი შანსი გაუშვა ხელიდან.

58-ზე შერგელაშვილის გადაცემის შემდეგ ონვუმ მორიგი მომენტის გამოყენება ვერ შეძლო. ესპანელმა თავით არაზუსტად დაარტყა. საპასუხო შეტევაში კი „ცხინვალი“ დაწინაურდა. ივანიშვილის წამოწყებული კომვინაცია მარჯვენა ფლანგზე ცერცვაძემ გააგრძელა და საჯარიმოში გამჭოლი გადაცემით კაჭარავა მონახა, რომელსაც ცარიელ კარში გატანა არ გასჭირვებია.

73-ე წუთზე „დინამოს“ კარში პენალტი დაინიშნა. თბილისელთა საჯარიმოში კაკაბაძემ ცაცკრიალაშვილი წააქცია და აბდულა ბასლეჰლომ 11-მეტრიანი უყოყმანოდ დანიშნა. პენალტის შესრულება კილასონიამ ითავა, თუმცა ლიბორ ჰრდლიჩკას ვერ აჯობა.

„დინამოს“ ანგარიშის გათანაბრების შანსი მალევე მიეცა, როდესაც მანუელ ოვნუს ძლიერი დარტყმა ნადირაძემ კუთხურზე მოიგერია. ესპანელს კიდევ ერთი მომენტი შეხვედრის დასრულებამდე 5 წუთით ადრე ჰქონდა, მაგრამ კვლავ უშედეგოდ.

დარჩენილ წუთებში „დინამო“ მთელი გუნდით უტევდა, „ცხინვალი“ კი თავს დამაჯერებლად იცავდა და ბოლოს საკუთარი შანსიც გამოიყენა. ულამაზესი დარტყმით „დინამოს“ მესამე გოლი მახარობლიძემ გაუტანა. მსაჯის მიერ კომპენსირებულ წუთებზე კი „ცხინვალმაც“ მეოთხედაც დალაშქრა მეტოქის კარი. სწრაფი კონტრშეტევის შედეგად დასარტყმელ პოზიციაზე დარჩენილ ლექვთაძეს ჰრდლიჩკამ აუღო, მაგრამ დამატებაზე ყველას ცაცკრიალაშვილმა დაასწრო და საბოლოო ანგარიში, 4:1 დააფიქსირა.

ცხინვალი 4-1 დინამო თბილისი

გოლები: ცინცაძე 24’ (0:1); ივანიშვილი 39’ (1:1); კაჭარავა 59’; მახარობლიძე 88’ (3:1); ცაცკრიალაშვილი 90’ (4:1);  

ცხინვალი: ნადიაძე, შინგადორიძე (ცაცკრიალშვილი 53’), ქარდავა, მახარობლიძე, თარხნიშვილი, კაჭარავა (კაჭკაჭიშვილი 88’) , კილასონია, ბაჩიაშვილი, ცერცვაძე, მაისაშვილი, ივანიშვილი (ლექვთაძე 75’)

მთავარი მწვრთნელი: კახა კაჭარავა

დინამო თბილისი: ჰრდლიჩკა, კაკაბაძე (ჯიღაური 74’), რენე, თოთაძე, შერგელაშვილი, ცინცაძე, ლობჟანიძე, პარუნაშვილი (ჩირგაძე 61’), ონვუ, კიტეიშვილი, ჭანტურიშვილი (ჯანელიძე 87’).

მთავარი მწვრთნელი: კახა გოგიჩაიშვილი