“დინამომ” “დილას” პაატა ღუდუშაურში 100 ათასი ლარი გადაუხადა?

გორის “დილას” შემტევი პაატა ღუდუშაური კარიერას ბათუმის “დინამოში” გააგრძელებს.

ჟურნალისტ სალომე საგინაშვილის ინფორმაციით, “დინამომ” პაატას სანაცვლოდ “დილას” 100 000 ლარი გადაუხადა.

ეს თანხა გუნდმა თორნიკე გაფრინდაშვილის პოლონეთში გაყიდვისთვის მიიღო. პოლონელებმა გაფრინდაშვილში 200 ათასი ევრო გაიღეს.

დღესვე ღუდუშაურის მოსვლას უარყოფითად გამოეხმაურა “შავი ზღვის პირატები”.

“გუშინდელი კატასტროფის შემდგომ, დღეს, ვიგებთ რომ ბათუმის დინამოს სურვილი აქვს პროფესიული მატჩების მოსყიდვის ფაქტზე ბრალდებული ფეხბურთელი დაიმატოს. იმედი გვაქვს, რომ პრესაში გავრცელებული ინფორმაცია სიმართლეს არ შეესაბამება. ბათუმში მას არავინ ელის.
ასევე გუშინდელ „მარცხთან“ დაკავშირებით ველოდებით ოფიციალურ განცხადებას.” – წერია “პირატების” განცხადებაში.

ღუდუშაური “ვიტ ჯორჯიაში” თამაშის დროს მატჩების ჩაწყობაში იყო ბრალდებული, თუმცა პროკურატურამ მას ბრალდება მოუხსნა და სრულად გამართლდა.

პ.ს.

თავდაპირველად გავრცელდა ინფორმაცია, რომ “დინამომ” 120 ათასი ევრო გადაიხადა, თუმცა ეს თანხა გაცილებით ნაკლები აღმოჩნდა და 100 ათასი ლარია.

ჯერ კიდევ 1 წლის წინ “დილამ” თბილისის “დინამოს” ირაკლი ბუღრიძის სანაცვლოდ 80 ლარი გადაუხადა.