,,დინამომ” გამარჯვებით დაიწყო (მატჩისშემდგომი პრესკონფერენცია)

თარიღი: ოქტომბერი 27, 2013

მეორე ტურის ცენტრალური შეხვედრა ერთობ დაძაბული და საინტერესო გამოდგა. გამორჩეულად მძლავრი შემადგენლობის მყოლი გუნდების დაპირისპირებაში “დინამომ” “სოხუმი” 7 ქულის სხვაობით – 70:63 დაამარცხა.

“სოხუმმა” მიმდინარე სეზონის პირველი ტიტული – დუდუ დადიანის მემორიალი მოიგო, თუმცა სუპერლიგის პირველ ტურში, 19 ოქტომბერს, “ქუთაისთან” უშანსოდ წააგო. დღეს კი მეორე ტურის შეხვედრაში”დინამოს” ბოლომდე ებრძოლა, გამარჯვებასათანაც ახლოს იყო, მაგრამ ბოლო წუთებში ვერ იყოჩაღა და დამარცხდა.

,,დინამოელებს’’ გასულ სეზონთან შედარებით ძლიერი შემადგენლობა ჰყავთ და “სოხუმთან” გულშემატკივართა უმეტესობის მიერ ფავორიტად მიიჩნეოდა. პირველ მეოთხედში ამ სტატუსს ამართლებდნენ დინამოელები, როცა 19:9 ლიდერობდნენ. პირველი პერიოდი ხოშტარიას გუნდმა 25:12 მოიგო, თუმცა მეორეში სოხუმელებმა თამაში გამოასწორეს – ირაკლი ჩლაიძემ და ჯერომ საიმონსმა სიზუსტეს უხშირეს, რაცშედეგზეც აისახა და დიდი შესვენებისთვის უკვე “სოხუმი” გალიდერდა – 37:36.

მეორე ტაიმის უმეტესი  დრო ქულა-ქულა თამაშში გაილია. დინამოელთაგან ქიან კარტერი გამოირჩოდა, რომელიც ძირითადად პერიმეტრიდან აგდებდა, თუმცა ფარქვეშ შესვლის შანსსაც ხელიდან არ უშვებდა.  საფინალო სირენამდე 5 წუთით ადრე სოხუმელები ქულით იგებდნენ, მაგრამ შეცდომებს უხშირეს, რაც დინამოელთა კარგი დაცვის დამსახურება იყო. ბოლო წუთებზე მიხეილ ჭოჭუას, კარტერის და გიორგი გამყრელიძის შედეგიანობამ “დინამო” საიმედოდ დააწინაურა და საბოლოოდ ხოშტარიას გუნდმა 70:63 იმარჯვა.

“დინამოს” 23 ქულით კარტერმა ულიდერა, 12-12 ქულა კი სტევან მილოშევიჩმა და მიხეილ ჭოჭუამ მიითვალეს. სოხუმელებში 20 ქულით ირაკლი ჩლაიძე გამოირჩა, ჯერომ სიმონსის ანგარიშზე კი 13 ქულა და 11 მოხსნა დაგროვდა.

მატჩისშემდგომი პრესკონფერენცია

ირაკლი ხოშტარია(,,დინამოს’’ მთავარი მწვრთნელი):  როგორც თამაშის დაწყებამდე აღვნიშნეთ, ჩვენი გუნდისთვის საკმაოდ რთული თამაში იყო, ამ შემადგენლობით მხოლოდ 10 დღეა რაც ვვარჯიშობთ და დალაგებული თამაში საკმაოდ რთულია. პირველ წრეში ჩვენი კონდიციების 60%–ს მაინც უნდა მივაღწიოთ, მეორე წრიდან კი, პირდაპირ ვიტყვი, საჩემპიონო ამბიციების გუნდი ვიქნებით. მთავარ კონკურენტად ,,სოხუმს’’ მივიჩნევ. მადლობა ბიჭებს, ნამდვილი პროფესიონალები არიან. ბოლო მეოთხედში ზუსტი დაცვის წყალობით სასურველ გამარჯვებას მივაღწიეთ. მადლობას ვეტყვი ლაშასაც, ის ნამდვილი კაპიტანია. დღევანდელი შედეგი ბიჭების გამარჯვებაა.

ვაჟა კვარაცხელია(,,სოხუმის’’ მთავარი მწვრთნელი): მივულოცავ ,,დინამოს’’ ღირსეულ და დამსახურებულ გამარჯვებას. ამ გუნდს ძალიან კარგი შემადგენლობა ჰყავს და სერიოზული ამბიციები აქვს. თუმცა წინ დიდი მარათონია, ზოგიერთი გუნდი ალბათ უფრო გაძლიერდება.  წინასწარ რაიმეს თქმა რთულია, თუმცა ,,დინამო’’ ნამდვილად გამორჩეული ფავორიტია.

ლაშა გამყრელიძე(,,დინამო’’): პირველ რიგში აღვნიშნავ, რომ სოხუმმა ძალიან კარგად ითამაშა, ბიჭებმა ბოლომდე იბრძოლეს. ვეთანხმები მწვრთნელს, ახალი შეკრებილები ვართ და შეთამაშება გვაკლია. შეცდომების მიუხედავად, ნამდვილად შეგვიძლია ერთ–ერთი საუკეთესო გუნდი ვიყოთ. ვულოცავ მთლიანად ,,დინამოს’’ სეზონის პირველ გამარჯვებას. ყველაფერს გავაკეთებთ, რომ სეზონი მოგებებით გაგრძელდეს.

სიმონს ჯერომე(,,სოხუმი’’): ძალიან კარგი თამაში გამოვიდა, ,,დინამო’’ ძლიერი გუნდია, ჩვენც ახლოს ვიყავით გამარჯვებასთან, თუმცა სამწუხაროდ დავმარცხდით. სეზონი გრძელდება და შემდეგ თამაშებზე მაქსიმუმს გავაკეთებთ.

superleague.ge



მსგავსი სიახლეები
კალათბურთი

გია მურღულია: “როცა ბურთს კალათში ვერ აგდებ, ღმერთს კი არ უნდა ახედო, ცოტა მეტი უნდა

ცნობილმა ქართველმა ფილოლოგმა გია მურღულიამ საქართველოს საკალათბურთო ნაკრების შესახებ სოციალურ ქსელში ვრცლად დაწერა. “როცა ბურთს […]...
წაკითხვა
კალათბურთი

ერთადერთი შანსი – რა შემთხვევაში გავა საქართველოს ნაკრები პლეი-ოფში?

საქართველოს საკალათბურთო ნაკრებმა ბულგარეთთან 92-80 წააგო და შემდეგ ეტაპზე გასასვლელად საქმე ძალიან გაირთულა. ნაკრები პლეი-ოფში […]...
წაკითხვა
კალათბურთი

FIBA-მ თურქეთის ნაკრების საჩივარი არ დააკმაყოფილა!

FIBA თურქეთის ნაკრების საჩივრის საპასუხოდ განცხადებას ავრცელებს. “მას შემდეგ, რაც შევისწავლეთ ყველა მატერიალური მტკიცებულება, ვასკვნით […...
წაკითხვა
კალათბურთი

კობახიძე კრიტიკოსებს პასუხობს: “ეს აჩვენებს იმას, რომ სპორტში საერთოდ ვერ ერკვევიან

“ქართული ოცნების” თავჯდომარემ, ირაკლი კობახიძემ ევრობასკეტის გახსნით მატჩზე მის მაისურთან დაკავშირებით კომენტარი გააკეთა. კობახიძე კალათბუ...
წაკითხვა
კალათბურთი

კორკმაზი: “ეს ქუჩური ჩხუბივით იყო – ამას არავის გავუტარებდი”

თურქეთის ნაკრების ერთ-ერთმა ლიდერი ფურან კორკმაზი დუდა სანაძესთან მის დაპირისპირებას გამოეხმაურა. “თქვენ მხოლოდ მცირე ნაწილი […]...
წაკითხვა
კალათბურთი

დუდა სანაძე: “დამიყვირა, რომ გასახდელში მნახავდა”

დუდა სანაძემ თურქეთის ნაკრების კალათბურთელთან, ფურკან კორკამზთან მომხდარ ინციდენტზე კომენტარი გააკეთა. “მე ვუთხარი, რომ სულელური […]...
წაკითხვა
კალათბურთი

თურქეთის ნაკრების მწვრთნელი: “1 თურქის წინააღმდეგ 3 ქართველი მოდიოდა”

თურქეთის ნაკრების მთავარი მწვრთნელი ერგინ ატამანი მსაჯმა გააძევა, ამიტომ, მატჩის შემდგომ პრესკონფერენციაზე მისი ასისტენტი გამოვიდა. […]...
წაკითხვა
კალათბურთი

რომან გოცირიძე: “ევრობასკეტი ფინანსური კრახით დამთავრდება”

პარლამენტარი რომან გოცირიძე ახალი სპორტის სასახლის შესახებ გამოთქმულ პრობლემებს ეხმაურება. “ახალ სპორტის სასახლეში, რომლის აშენებაში […]...
წაკითხვა
კალათბურთი

ზურაბიშვილი: “ღმერთმა არ ქნას როდესმე ამ დარბაზში ხანძარი ან რამე ემერჯენსი მოხდეს&#

კომენტატორმა გიორგი ზურაბიშვილმა საქართველო – ბელგიის მატჩის შემდეგ ახალი სპორტის სასახლის პრობლემებზე სოციალურ ქსელში დაწერა. […]...
წაკითხვა
კალათბურთი

თურქეთის ნაკრების მწვრთნელი: “თბილისში საერთოდ რას ვაკეთებთ?”

თურქეთის ნაკრების მწვრთნელი ერგინ ატამანი თბილისში დასწრების რაოდენობით უკმაყოფილოა. “დღეს არენაზე მხოლოდ 100 გულშემატკივარი იყო. […]...
წაკითხვა
კალათბურთი

“გამარჯობა და ღამე მშვიდობისა” | FIBA-ს კომენტატორის რეაქცია რატის ჩაჭრაზე

საქართველოს ნაკრებმა მოქმედი ჩემპიონი ესპანეთის ნაკრები 82-76 დაამარცხა. 17 ქულა დააგროვა 21 წლის გამთამაშებელმა რატი […]...
წაკითხვა
კალათბურთი

შენგელიას NBA-ში დაბრუნება სურს

თორნიკე შენგელიამ “ვირტუსის” ბოლო მატჩში ტრავმა მიიღო და გარკვეულ პერიოდს გამოტოვებს. მიუხედავად მის მიმართ “ბარსელონას” [&hel...
წაკითხვა
კალათბურთი

ყველაზე ფულიანები

ინტერნეტპორტალმა “სპორტიკომ” მსოფლიოს ყველაზე მაღალანაზღაურებადი სპორტსმენების სია გამოაქვეყნა. რეიტინგს საკალათბურთო გუნდ “ლოს-ანჯე...
წაკითხვა
კალათბურთი

ტრაგედია – ახალი სპორტის სასახლის მშენებლობაზე მუშა გარდაიცვალა

უნივერსიტეტის ქუჩაძე, სადაც ახალი სპორტის სასახლის მშენებლობა მიმდინარეობს, 27 წლის ახალგაზრდა დაიღუპა. ჯაბა ქადამაძე შიდა […]...
წაკითხვა
კალათბურთი

თბილისის “დინამო” სუპერლიგიდან გავარდა

დღეს სუპერლიგის მორიგი მატჩები რეგიონებში გაიმართა. რუსთავში სათამაშოდ “ოლიმპი” ჩავიდა, ხოლო ქუთაისში – “ტიტები”. ორივეგან […]...
წაკითხვა