დინამომ სპარტაკი გაანადგურა
“დინამო არენაზე” უმაღლესი ლიგის მეათე ტურის ცენტრალურ შეხვედრაში ერთმანეთს “დინამო თბილისი” და ცხინვალის “სპარტაკი” დაუპირისპირდნენ.
ანგარიშის გახსნა სტუმრებს პირველივე წუთზე შეეძლოთ. სტანდარტის შემდეგ გატანის შანსი შინდაგორიძეს მიეცა, თუმცა მისი მცდელობა მიგინეიშვილმა მოიგერია.
მასპინძლები სათამაშო უპირატესობას დაეუფლნენ და შეხვედრის მე-12 წუთზე პირველი რელალური მომენტიც შექმნეს, რომელიც გოლით დასრულდა. ჩისკოს გადაცემით “სპარტაკის” კარი პაპუნაშვილმა დალაშქრა – 1:0.
გაშვებული გოლის შემდეგ “სპარტაკი” გააქტიურდა და რამდენიმე იერიშიც განახორციელა. 25-ე წუთზე კი სტუმრებმა გათანაბრებაც შესძლეს. შორეული დარტყმით გიგაურმა საკმაოდ ეფექტური გოლი გაიტანა. “დინამოს” წინ გასვლის შანსი ერთ წუთში ჰქონდა, თუმცა ნადირაძემ საოცარი სეივით შესძლო საკუთარი გუნდის გადარჩენა.
თუმცა, შემდეგ ეპიზოდში “დინამო” მაინც დაწინაურდა. 30-ე წუთზე ჩისკომ რამდენიმე მცველი ჩამოიშორა და კარში დაარტყა. ნადირაძემ ესპანელს აუღო, მაგრამ დამატებაზე ყველას პარუნაშვილმა დაასწრო და საკუთარი გუნდი კვლავ წინ გაიყვანა. მალევე მასპინძლებს კიდევ ერთი შესაძლებლობა ჰქონდათ. ლობჟანიძე-ჩისკოს გათამაშებული კომბინაციის შემდეგ “დინამოს” კაპიტანმა ხელსაყრელი პოზიციიდან ააცილა მეტოქის კარს.
39-ე წუთზე მასპინძლებმა მესამეც გაიტანეს. მარცხენა ფლანგაზე საჯარიმოში შეჭრილმა ლობჯანიძემ ძარიას გაადაწოდა, რომლის დარტყმა ძლიერი და ზუსტი აღმოჩნდა – 3:1.
მეორე ტაიმის დაწყებიდან ოთხ წუთში შინდაგორიძეს თოთაძის შეცდომის შემდეგ შეეძლო სხვაობის შემცირება, თუმცა პირველი ტაიმის სასტარტო წუთების მსგავსად “სპარტაკის” შემტევს კვლავ მიგინეიშვილმა აჯობა.
53-ე წუთზე “დინამომ” მეოთხე გაიტანა. საჯარიმოს მისადგომებიდან პაპუნაშვილმა ძლიერი და ზუსტი დარტყმით დუბლი გაიფორმა, რის შემდეგაც მატჩის ტემპი საგრძნობლად დაეცა.
მომდევნო გოლი ზუსტად ოც წუთში გავიდა. 73-ე წუთზე მათე ცინცაძემ საჯარიმო საჯარიმო მოედანთან დანიშნული ჯარიმა ძალიან ლამაზ გოლად აქცია – 5:1.
87-ე წუთზე გოლის გატანის შანსი შეცვლაზე შემოსულ ჩირგაძეს მიეცა, რომელმაც ეფექტური მოძრაობის შემდეგ ბურთი ხარიხას გაარტყა. საბოლოო ანგარიში კი მატჩის უკანასკნელ წუთზე პაპუნაშვილმა დააფიქსირა და აღნიშნული გოლით პირველი ჰეთ-თრიქიც გაიფორმა.
“დინამო თბილისი” 6-1 “სპარტაკი” (ცხინვალი)
გოლები: პაპუნაშვილი 13′ (1:0); გიგაური 25′ (1:1); პაპუნაშვილი 31′ (2:1); ძარია 39′ (3:1); პაპუნაშვილი 54′ (4:1); ცინცაძე 73′ (5:1); პაპუნაშვილი 90′ (6:1)
“დინამო თბილისი”: მიგინეიშვილი, კაკაბაძე, თოთაძე (ხიზანიშვილი 59′), ჭანტურია, ცინცაძე, პაპუნაშვილი, პარუნაშვილი, ლობჟანიძე (ჩირგაძე 66′), ჩისკო (საბანაძე 80′), შერგელაშვილი (კემუხტაშვილი 69′), ძარია.
“სპარტაკი”: ნადირაძე, შინდაგორიძე, ივანიშვილი (ლექვთაძე 54′), მაისაშვილი, ცერცვაძე, იოსელიანი, კაჭკაჭიშვილი, გიგაური, თექთურმანიძე (მაქაცარია 61′), კაჭარავა.
