“დინამომ” თურქეთში ბოლო მატჩი გამართა
![](https://fanebi.com/wp-content/uploads/2014/02/file14.jpg)
თურქეთში მყოფი დინამოელები მოსამზადებელი ეტაპის უკანასკნელი საკონტროლო მატჩი თურქმენეთის 2012 წლის ჩემპიონთან და თასის მფლობელთან, 2013 წლის ვერცხლის პრიზიორთან ნებითჩისთან გამართეს.
შეხვედრა თბილისელთა უპირატესობით წარიმართა და საბოლოოდ მათი დამსახურებული გამარჯვებითაც დასრულდა. პირველ ტაიმში ანგარიში ჩისკოს დარტყმის შემდეგ გაიხსნა. ესპანელს საგოლე გადაცემა მერებაშვილმა გაუკეთა. რამოდენიმე წუთში კი გოლი უკვე გიორგიმ გაიტანა. “დინამოს” ათიანის შესრულებული პენალტე მეკარემ მოიგერია, თუმცა მერებაშვილმა დამატებაზე დაასწრო ყველას.
მეორე ნახევარში “ნებითჩის” ფეხბურთელემა სხვაობის შემცირება მოახერხეს და ერთი გოლი გაქვითეს, თუმცა მატჩის მიწურულს ძარიას კარგ თამაშს დინამოელთა მესამე გოლი მოჰყვა, რომელიც ჩისკომ გაიტანა. საბოლო ჯამში, 3-1 “დინამოს” სასარგებლოდ.
დინამო: დაუშვილი, პაპავა, ხიდეშელი /60-რეხვიაშვილი/, გველესიანი, კვირკველია, პაპუნაშვილი, ძარია, ჯანელიძე /70-ცინცაძე/, ჩისკო, ვუო /78-გორგიაშვილი/, მერებაშვილი /46-გოგა/