“დინამოს” მეხუთე მეტოქე პოლონური კორონა

დინამო შეკრებაზე მეხუთე სპარინგს პოლონეთის ექსტრაკლასას წარმომადგენელ- კელცეს კორონასთან გამართავს, რომელიც ჩემპიონატში მე- 14 პოზიციაზე იმყოფება. გუნდი 1973 წელს დაარსდა. კორონამ პოლონეთის ელიტარულ დივიზიონში თამაშის უფლება პირველად 2005 წელს მოიპოვა და პირველივე სეზონი უძლიერესთა შორის  მე- 5 ადგილზე დაასრულა. ჩვენმა მომავალმა მეტოქემ 2007 წელს პოლონეთის თასის ფინალში ითამაშა. კორონას საშინაო არენა Stadion Miejski Kielce 15 550 მაყურებელს იტევს, გუნდის სათამაშო ფორმა კი წითელ და ყვითელ ფერებშია გადაწყვეტილი. პოლონეთის ჩემპიონატის შეხვედრას კორონა 16 თებერვალს გამართავს.

შეკრებაზე პოლონელებმა რამდენიმე მატჩი გამართეს. ბოლო შეხვედრაში 3 თებერვალს რუმინულ იასისთან ფრედ 1:1 ითამაშეს. 31 იანვარს დინამოს უკანასკნელ მეტოქესთან უზბეკურ ნასაფთან 0:2 წააგეს. მანმადე კი ლუგანსკის ზარიას მოუგეს 2:0. დინამო-კორონას მატჩი 6 თებერვალს თბილისის დროით 19.00 საათზე დაიწყება.

FCDinamo.GE