“დინამოს” მეორე გუნდმა გაგრა დაამარცხა

ვიტალი დარასელიას სახელობის დინამოს აკადემიის მოედანზე საქართველოს ჩემპიონატის პირველი ლიგის მეთორმეტე ტურის მატჩი გაიმართა. დინამოს მეორე შემადგენლობამ სკ გაგრას უმასპინძლა. მალხაზ ჟვანიას შეგირდებმა მეტად მნიშვნელოვანი გამარჯვება მოიპოვეს ანგარიშით 2:1. შეხვედრაში მნიშვნელოვანი სათამაშო უპირატესობა არც ერთ გუნდს არ ჰქონია. მატჩიც მეტწილად ხისტი და დაძაბული გამოდგა. მე- 10 წუთზე ზივზივაძემ დააწინაურა მასპინძლები 1:0. 75- ე წუთზე გოგატიშვილმა აღადგინა წონასწორობა 1:1. მატჩის მიწურულს კი შეცვლაზე შემოსულმა ვოლკოვმა გამარჯვების გოლი გაიტანა გაგრას კარში- 2:1.

შემდეგ შეხვედრას დინამო-2 ოზურგეთში მერცხალის წინააღმდეგ, 9 ნოემბერს გამართავს.

დინამო-2  2:1  გაგრა

დინამო: დაუშვილი, მარაქველიძე (მიქაძე 90), ჯაფიაშვილი, ქაჯაია, სამხარაძე, ქიქავა, სამუშია (მესხი 46), სარიშვილი, ზივზივაძე (ვოლკოვი 65), მათიაშვილი (ციცხვაია 72), გოგოლიძე (სარჯველაძე 61)

გაგრა: დობორჯგინიძე, ჯგერენაია, ბიწკინაშვილი, მაჩაიძე, გურეშიძე, ქარდავა, წკრიალაშვილი, ცოცხალაშვილი, მაისურაძე, ჭანტურია, გოგატიშვილი

FCDinamo.GE