დივოკ ორიგი “მილანს” უახლოვდება

“ლივერპულის” თავდამსხმელი დივოკ ორიგი მომავალი სეზონიდან, სავარაუდოდ, “მილანის” ღირსებას დაიცავს.

იტალიელი ჟურნალისტი ნიკოლო სკირა წერს, რომ მხარეებს შორის მოლაპარაკება გრძელდება. რამდენიმე დღეში “როსონერის” ტექნიკური დირექტორი პაოლო მალდინი ბელგიელი ფეხბურთელის აგენტებს უნდა შეხვდეს. “მილანი” ორიგის ოთხწლიან კონტრაქტსა და წლიურად 3,5 მილიონ ევროს სთავაზობს. ცნობილია, რომ 26 წლის ფეხბურთელს “ენფილდის” დატოვება ჯერ კიდევ ზამთრის სატრანსფერო პერიოდში სურდა, თუმცა მაშინ “ლივერპულის” მთავარმა მწვრთნელმა იურგენ კლოპმა დაარწმუნა, რომ გუნდში უნდა დარჩენილიყო.

დივოკ ორიგი “ენფილდროუდელთა” რიგებში 2014 წელს ჩაირიცხა. მან მიმდინარე საკლუბო სეზონში ათი მატჩი ჩაატარა და ხუთი გოლი გაიტანა და ორი შედეგიანი გადაცემა მიითვალა. ორიგის “ლივერპულთან” კონტრაქტი ზაფხულში ეწურება.